Wikipedia

Charlotte Church

Charlotte Maria Reed (21 de febreru de 1986, Llandaff (es) Traducir), más conocida como Charlotte Church, ye una cantautora, actriz y presentadora británica. En 1998 foi escuchada por Jonathan Shalit, quien ayudó a que consiguiera un contratu discográficu col sellu Sony Classical a los 12 años. N'años recién pasó de la música clásica a la música pop.

Charlotte Church
Vida
Nacimientu Llandaff (es) Traducir, 21 de febreru de 1986[1] (38 años)
Nacionalidá Bandera del Reinu Xuníu Reinu Xuníu
Familia
Casada con Gavin Henson
Estudios
Estudios The Cathedral School (en) Traducir
Howell's School (en) Traducir
Llingües falaes inglés[2]
Oficiu
Oficiu actriz, cantautora, cantante d'ópera, karateka, actriz de cine, autora, presentadora de televisión
Altor 164 cm
Premios
Xéneru artísticu pop
pop operístico (es) Traducir
indie rock
rock alternativu
indie pop (es) Traducir
música clásica
música celta (es) Traducir
Mena de voz sopranu
Instrumentu musical voz
Discográfica Sony Music
Columbia Records
IMDb nm0161355
charlottechurchmusic.com
Cambiar los datos en Wikidata

Carrera musical

editar

La guapura, la voz privilexada de Charlotte y el so repertoriu popular diéron-y un gran ésitu comercial. La so carrera empezó a los dolce años col so primer discu tituláu "Voice of an Angel", onde exhibía la so peculiar voz de sopranu cantando aries, música sacra y pieces tradicionales que vendieron millones de copies alredor del mundu. Fixo un cameo nel programa de la cadena estauxunidense de televisión CBS "Touched by an Angel" ("Tocáu por un Ánxel"). Más tarde apaeció delles vegaes na televisora estauxunidense PBS, faciendo especiales y comerciales, foi bien reconocida pola campaña de la Ford titulada "Just Wave Hello". El cantar del comercial apaeció nel so segundu álbum "Charlotte Church", que llevaba'l mesmu títulu, que incluyía otru amiestu de pieces relixoses, tradicionales y d'ópera.

Nel añu 1999 grabó'l cantar "Tormentu d'amore" xunto al cantor Agnaldo Rayol como tema d'apertura de la telenovela brasilana Terra Nostra.

Nel añu 2000, Charlotte sacó "Dream a Dream", un álbum de pieces navidiegues. Sicasí, hasta'l 2001 grabara namái dos canciones pop --"Just Wave Hello"y "Dream a Dream", un dueto con Billy Gilman.

Nel 2001, Charlotte Church amestó dellos cantares de Broadway, de pop y swing al so repertoriu clásicu, col so álbum "Enchantment". Esi mesmu añu, los cinéfilos escucharon per primer vegada a Church nel filme del 2001 de Ron Howard; "A Beautiful Mind" ("Una Mente Brillosa"). Por cuenta de que Céline Dion nun pudo cantar el cantar final de la película "All Love Can Be", yá que taba empecipiando un show en Las Vegas, el compositor James Horner asignólu a Church la música, que foi reescrita pal rangu vocal de la cantante.

Nel 2002, a la edá de 16, Charlotte Church, sacó un álbum d'ésitos llamáu "Prelude", pa despidise de la música clásica. Al añu siguiente, fixo'l so debú na pantalla nel filme de Craig Ferguson; "I'll Be There". El filme foi tan mal recibíu pola crítica que nin siquier s'estrenó nos Estaos Xuníos (sí foi estrenada n'Europa, sicasí). Anguaño ta disponible en videu.

A principiu d'agostu del 2010 anuncióse'l so próximu CD, tituláu "Back to Scratch" el cual va salir a la vienta'l 1° de payares del mesmu añu. Asina mesmu puédese descargar un de los cantares, titulada "Cold California" gratuitamente direutamente na so páxina Web. Aparentemente esti CD va siguir nel xéneru "Pop" con toques retro.

Discutinios

editar

Provocó dalgún discutiniu por dellos comentarios que fizo con al respective de los ataques del 11 de setiembre de 2001, y por dicir que'l so axentes refugar pol so pesu. Tamién hubo discutiniu, cuando foi gallardoniada col títulu "Rear of the Year" (que premia al meyor traseru del añu), nel 2002 a la edá de 16.

En marzu de 2005, se rumoró qu'una fotografía del pechu desnudu de Charlotte fuera robada del teléfonu móvil del so noviu, Gavin Henson, un xugador de Rugbi, cuando ésti perdió'l so teléfonu nuna nueche de marcha en Cárdif. N'entrevistes, Church comentó que nun taba desnuda na fotografía, sinón que tenía puestu un brassiere. Dixo que la fotografía que circulaba na Internet onde ella apaecía desnuda yera falsa.

Apocayá'l so exnovio, Steven Johnson demandó que Charlotte pagáralu £ 3 000 000 de la so fortuna pa evitar qu'ésti sacara un llibru. El so padre dixo que'l llibru "mataría a la familia Church", yá que revela detalles esplícitos de la vida sexual de Charlotte y Steven (Charlotte entá nun dio respuesta al respeutu). Primeramente, otru de los sos ex vendiera hestories sexuales de la so rellación con Church a la prensa del corazón.

Vida personal y música pop

editar

En 2005 sacó'l so primer álbum pop "Tissues and Issues", que los sos primeros dos senciellos ("Crazy Chick" y "Call My Name") tuvieron nel top 10 británicu. El 24 d'ochobre el tabloide escocés "The Daily Record" reportó qu'empezaría'l so debú actuando en televisión na serie "Doctor Who". Esto tamién se dixo nel Daily Star. Sicasí, desconozse la veracidá d'estes afirmaciones.

Nel añu 2006, empieza'l so propiu Talk-Show llamáu "The Charlotte Church Show", onde fai entevistes a famosos como Avril Lavigne, Ashlee Simpson, Hilary Duff o Nelly Furtado, ente otros. El show empieza siempres col famosu "Theme Tune" nel cual canta faciendo crítica de l'actualidá. L'estilu de los cantares camuda con cada programa, por casu, de country a rock. Nel programa tamién se realicen dellos sketchs que provoquen les risaes del públicu.

En marzu de 2007, a la edá de 21 años, confirma'l so embaranzu del so primer fíu; hasta entós nun dixera nada del so estáu, pero munchos de los sos amigos y colegues abarruntaron cuando na celebración de la so 21 cumpleaños la cantante namái pidió agua pa tomar. El rumor foi confirmáu un mes dempués cuando llevaba cuasi tres meses d'embaranzu.

El 20 de setiembre de 2007 naz la so primer fía sol nome de Ruby Megan Henson, con un pesu de 6 llibres y 12 oz.

Según el so sitiu oficial, el 18 de xunu de 2008 Charlotte Church y el so maríu, Gavin Henson, anunciaron que taben esperando otru bebe. Sicasí Charlotte confirmó que va cumplir el so contratu con Canal 4 del Reinu Xuníu pa presentar la tercer temporada de "The Charlotte Church Show" en xunetu y agostu d'anguaño.

Nel sitiu oficial anuncióse la nacencia del so segundu fíu. Foi un varón y va ser llamáu Dexter Lloyd Henson, nació'l 11 de xineru de 2009 pocu dempués de la media nueche, pesó 7 llibres y 5 oz. El segundu nome van poner según una tradición de la familia de Gavin.

N'abril de 2010 anuncióse la rotura del compromisu de Gavin Henson y Charlotte Church, nun hai munchos detalles al respeutu. Se rumoreó que foi por infidelidá del xugador de Rugby, pero esto foi negáu pola mesma Charlotte, a lo que namái amestó que foi por diferencies ente ellos. Yá taben comprometíos, con planes de casase a finales de 2010.

A finales del setiembre de 2010 anuncióse'l nuevu álbum de Charlotte Church, tituláu "Back to Scratch", que sería llanzáu'l 25 de payares del mesmu añu. Dende la so páxina oficial, los fans podíen descargar gratuitamente el cantar "Cold California", según ver un videu d'un detrás de cámares de la grabación del álbum. Nel videu puede escuchase el cantar "Snow".

L'álbum empezó a grabase a finales del 2009, cuenta con 13 cantares. La que-y da'l títulu al álbum (Back To Scratch) foi grabada cuando la rellación ente Charlotte y Gavin empezaba a desmoronarse.

Discografía

editar

Álbumes

editar
  • Voice of an Angel (1998) #4 UK, #28 US, #22 AUS
  • Charlotte Church (1999) #8 UK, #40 US
  • Dream a Dream (2000) #30 UK, #7 US, #64 AUS
  • Enchantment (2001) #24 UK, #15 US
Extended plays
  • 2012: ONE
  • 2013: TWO
  • 2013: THREE
  • 2014: FOUR
  • 2015: FIVE

DVD

editar

Senciellos

editar
  • Voice of an Angel
    • "Pie Jesu"
    • "My Lagan Love"
    • "In Trutina"
    • "Panis Angelicus"
    • "Amazing Grace"
  • Charlotte Church
    • "Just Wave Hello" #31 UK
    • "La Pastorella"
    • "She Moved Through the Fair"
  • Dream a Dream
    • "Ave Maria"
    • "Dream a Dream" with Billy Gilman
  • Enchantment
    • "Tonight"
    • "Carrickfergus"
    • "The Prayer" with Josh Groban
  • Prelude: The Best Of...
    • "It's the Heart That Matters Most"
    • "All Love Can Be"
  • Tissues and Issues
    • "Crazy Chick" #2 UK, #39 AUS, #33 NZ, #10 IRL
    • "Call My Name" #10 UK, #60 AUS
    • "Even God Can't Change the Past" #17 UK
    • "Moodswings (to Come at Me Like That)" #14 UK
  • Back to Scratch
    • "Back to Scratch" (2010)
    • "Logical World" (2010)
    • "Snow" (2011)
  • ONE
    • "How Not To Be Surprised When You're a Ghost" (2012)
  • TWO
    • "Glitterbombed" (2012)
    • "Lasts, or Eschaton" (2013)
  • THREE
    • "I Can Dream" (2013)
    • "Water Tower" (2013)
  • FOUR
    • "Little Movements" (2014)
  • Collaboraciones:
    • "The Opera Song (Brave New World)" #3 UK, #62 AUS

Referencies

editar
  1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Identificador CONOR.SI: 40547683. Afirmao en: CONOR.SI.

Enllaces esternos

editar


Sacáu de «https://ast.wikipedia.org/w/index.php?title=Charlotte_Church&oldid=4242220»