Abrir el menú principal

Estaos d'Alemaña

división alministrativa d'Alemaña

Alemaña ye una república federal compuesta de 16 estaos, nomaos Länder n'alemán, en singular Land. Como tamién significa nesa llingua "país", emplégase más davezu el términu Bundesländer (estaos de la federación), porque ye más específicu. Trés de los estaos son ciudaes-estáu, mientres que los otros 13 son Flächenländer (estaos d'área).

El términu "Bundesland" pue asemeyar qu'implique una subordinación del términu Länder al federal Bund, pero eso nun s'espeya asina na autonomía de los Länder nes rellaciones internacionales. La pallabra correuta, usada tamién na Grundgesetz ye, poro, Länder.

Esta diferencia ye importante, yá que depués de la Segunda Guerra Mundial, los Länder de la parte oeste de l'antiguu Tercer Reich constituyéronse primero como árees alministratives, y darréu federáronse nel Bund o República Federal d'Alemaña. Esti procedimientu ye opuestu al que depués de la guerra va asoceder n'Austria onde, primero se crearía'l Bund y llueu-y siguiríen los estaos como unidaes del sistema federal. N'Austria los estaos tamién se llamen Länder na so constitución.

EstaosEditar

Cada Land ta representáu a nivel federal nel Bundesrat (Cámara alta).

Los 16 Länder, con referencia a los nomes del mapa de la derecha son:

  1.   Baden-Württemberg
  2.   Estáu llibre de Baviera (Freistaat Bayern)
  3.   Estáu de Berlín (Berlin)
  4.   Brandemburgu (Brandenburg)
  5.   Ciudá llibre hanseática de Bremen (Freie Hansestadt Bremen)
  6.   Ciudá llibre y hanseática d'Hamburgu (Freie und Hansestadt Hamburg)
  7.   Hessen
  8.   Mecklemburgu-Pomerania Occidental (Mecklenburg-Vorpommern)
  9.   Baxa Saxonia (Niedersachsen)
  10.   Renania del Norte-Westfalia (Nordrhein-Westfalen)
  11.   Renania-Palatináu (Rheinland-Pfalz)
  12.   Saarland
  13.   Estáu llibre de Saxonia (Freistaat Sachsen)
  14.   Saxonia-Anhalt (Sachsen-Anhalt)
  15.   Schleswig-Holstein
  16.   Estáu llibre de Turinxa (Freistaat Thüringen)

La descripción d'"estáu llibre" (Freistaat) emplégase namái que por razones históriques. Llegalmente, un Freistaat nun ye diferente de los otros estaos.

Primero de la Rexunificación alemana de 1990, l'Alemaña Occidental consistía en dos estaos, mientres que l'Alemaña Oriental nel 1952 reorganiza'l so territoriu en 15 distritos alministrativos. Depués de la rexunificación del 3 d'octubre de 1990, 14 d'estos distritos pasaron a formar 5 Länder: Mecklemburg-Pomerania Occidental, Brandenburgu, Saxonia-Anhalt, Turinxia y Saxonia, tal como yera en 1952. L'antiguu distritu de Berlín (este), amestóse cola parte oest pa formar l'actual Estáu de Berlín.

Ver tamiénEditar