IRC-10414
IRC-10414 ye una estrella superxigante colorada y amás estrella fuxitiva asitiada na constelación del Escudu, que forma una pareya cola estrella Wolf-Rayet WR 114.
 IRC-10414 | ||
|---|---|---|
| Datos d'observación (Dómina J2000.0) | ||
| Constelación | Scutum | |
| Ascensión reuta (α) | 18h 23min 17,85s | |
| Declinación (δ) | -13º 42’ 47,0’’ | |
| Mag. aparente (V) | +12 | |
| Carauterístiques físiques | ||
| Clasificación estelar | M7I | |
| Radiu | (1.200 R☉) | |
| Magnitú absoluta | -5,17 | |
| Lluminosidá | 160.000 L☉ | |
| Temperatura superficial | 3.700 K | |
| Astrometría | ||
| Mov. propiu n'α | 5,4 mas/añu | |
| Mov. propiu en δ | 1,6 mas/añu | |
| Velocidá radial | 28,6 km/s | |
| Distancia | 6.500 años lluz (2.000 pc) | |
| Referencies | ||
| SIMBAD | enllaz | |
| [editar datos en Wikidata] | ||
Carauterístiques editar
Trátase d'un astru d'espectru M7 bien notable por ser una de les pocoñín de superxigantes coloraes productores d'arcu de choque -les otres dos conocíes son Betelgeuse y Mu Cephei, amás nel casu del producíu por esta estrella siendo visible tamién nel ópticu y non solamente nel infrarroxu-. El so vientu estelar ta amás ionizado poles estrelles del cúmulu abiertu NGC 6611, asitiáu na Nebulosa de l'Águila, y/o pola so compañeru -siquier aparentemente- WR 114.[1]
La distancia exauta a esti astru nun ye bien conocida, envalorándose dende 2 quiluparsecs en base a la so paralax y proximidá a la Nebulosa de l'Águila, la Nebulosa Omega, y el cúmulu abiertu NGC 6604 -los trés asitiaos a distancies similares del Sol, del orde de 2 kiloparsecs tamién-;[1] l'estudiu de los masers d'agua presentes alredor de la estrella suxuren una distancia cimera, del orde de 3 kiloparsecs.[2] Sicasí'l llugar de nacencia d'esta estrella nun ta claro, y nin la so dinámica nin la so edá suxuren que naciera nuna de les trés rexones de formación estelar mentaes.[1]
Asumiendo una distancia de 2 kiloparsecs y una temperatura superficial de 3300K, IRC-10414 ye 160.000 vegaes más brillosa que'l Sol y el so diámetru ye alredor de 1.200 vegaes el del Sol, lo que la asitia ente les más grandes conocíes. Acordies con modelos d'evolución estelar, la so masa inicial taría ente 20 y 25 mases solares, y la so edá ente 6 y 10 millones d'años.[1]
WR 114 editar
WR 114, tamién conocida como HD 169010, ye una estrella de Wolf-Rayet d'espectru WC5 asitiada aparentemente cerca -45 segundos d'arcu- d'IRC-10414. La distancia envalorada pa ella (2 quiluparsecs) ye similar a la envalorada para IRC-10414, siendo aproximao 220.000 vegaes más brillosa que'l Sol y solamente 2,5 mayor que'l nuesu astru, superando en rellumu a la superxigante colorada gracies a la so elevada temperatura superficial de 79.000K,[3] frente a los 3300K que s'envaloren para IRC-10414.
Anque s'envalore una distancia similar pa WR 114, la separación real cola so vecina nun ta clara, yá que si les dos estrelles tuvieren a la mesma distancia del Sol y la separación aparente fora la real los fuertes vientos solares de la estrella Wolf-Rayet torgaríen que la superxigante colorada pudiera formar un arcu de choque. Per otru llau suxurióse qu'IRC-10414 y WR 114 formaron en tiempos parte d'una estrella triple güei sumida, moviéndose más o menos conxuntamente pel espaciu; yá que los parámetros dinámicos de WR 114 conócense bien mal ye difícil resolver esti misteriu.[1]
Referencies editar
- ↑ 1,0 1,1 1,2 1,3 1,4 Bibcode: 2014MNRAS.437..843G
- ↑ Bibcode: 2008PASJ...60.1057M
- ↑ Bibcode: 2012A&A...540A.144S
.
Coordenaes: 
18h 23m 17.909s, -13° 42′ 47.11″
Datos: Q18012893
