Keke Rosberg

Keke Rosberg
Vida
Nacimientu	Solna, 6 d'avientu de 1948 (75 años)
Nacionalidá	Finlandia
Familia
Casáu con	Sina Rosberg (1983 – )
Fíos/es	Nico Rosberg
Estudios
Llingües falaes	inglés; alemán; finlandés; suecu
Oficiu
Oficiu	pilotu de Fórmula Unu, pilotu d'automovilismu
Trayeutoria
	Participante 24 Hores de Le Mans ; Fórmula 1 ;
Seudónimu	Keke Rosberg
IMDb	nm1465753

Keijo Erik "Keke" Rosberg (6 d'avientu de 1948, Solna) mas conocíu como Keke Rosberg, ye un popular ex-pilotu de Fórmula 1 que compitió a principios de los años 1980 y llogró l'campeonatu del mundu de 1982. A pesar de nacer en Estocolmu (Suecia) foi'l segundu pilotu finlandés en correr na Fórmula 1. Eso y la so velocidá valiéron-y el llamatu de «finlandés volador».^[3]

Ye padre del tamién campeón del mundu de Fórmula 1, Nico Rosberg.

Trayeutoria

Debutó na Fórmula 1 col equipu Theodore nel Gran Premiu de Sudáfrica de 1978, en Kyalami. Pasó por ATS, Wolf y Fittipaldi antes de llegar a Williams en 1982.

En 1982 ganó la so primer carrera na Fórmula 1, el Gran Premiu de Suiza, corríu en Dijon (Francia) por cuenta de qu'en Suiza taben prohibíes les carreres d'autos. Foi la so única victoria nel añu, pero naide ganó más de dos carreres esi añu y a la fin Keke foi'l más regular y el que más puntos sumó, axudicándose'l Campeonatu Mundial de Pilotos con un Williams FW08 con motor Cosworth de normal aspiráu, portando'l númberu 6.

Siguió en Williams hasta 1985, pero a pesar de que consiguió ganar cuatro carreres más, les temporaes fueron decepcionantes; anque tres dos años de desenvolvimientu del motor Honda en 1985 terminó terceru nel campeonatu.

Sorprendentemente, en 1986, pasó a McLaren. Anque McLaren ganara los anteriores campeonatos, esi añu Williams foi l'equipu a vencer. A finales d'esi añu retiróse.

Tres el so retiru, remanó les carreres de dellos pilotos, como J.J Lehto, Mika Häkkinen, Olivier Panis, y más apocayá, la del so fíu Nico Rosberg.

Tamién tuvo participación nos campeonatos de 1993, 1994 y 1995 de la estinguida Deutsche Tourenwagen Meisterschaft con un Opel Cubica.

Team Rosberg

En 1994, montó la so propia escuadra Team Rosberg nel DTM, onde compartió pista con otros pilotos d'Opel como J.J Lehto, Hans-Joachim Stuck, Klaus Ludwig y el campeón de 1996 Manuel Reuter.

Team Rosberg depués comptió nel Campeonatu Alemán de Superturismos con Nissan en 1997 y 1998. Tres un añu sabáticu, l'equipu retornó al nuevu DTM en 2000 col Mercedes-Benz Clase CLK. Rosberg tuvo un nuevu añu sabáticu en 2005, y volvió en 2006 cola marca Audi.

Team Rosberg tamién compitió na Fórmula 3 Alemana dende 1999 hasta 2002, llogrando un campeonatu con Gary Paffett. Depués incorporóse a la Fórmula 3 Euroseries pa sofitar a Nico Rosberg, y dexó l'actividá en monoplaces tres la temporada 2005.

Rosberg na cultura popular

Ye'l protagonista d'un cantar del conocíu grupu 'Accidente Total' que nel so tercer álbum, Entá siquier que nos queda Portugal de 1984 grabaron nel octavu corte'l cantar 'Keke Rosberg' na que se burllen de les quexes del pilotu finlandés.

Resultaos completes en Fórmula 1

(Clave) (negrina indica pole position) (cursiva indica vuelta rápida)

Añu	Escudería	1	2	3	4	5	6	7	8	9	10	11	12	13	14	15	16	Pos.	Puntos
1978	Theodore-Ford	ARG	BRA	RSA Ret	USW DNQ	MON DNQ	BEL DNQ	ESP DNQ				ALE 10	AUT Ret	NED Ret	ITA DNQ			NC	0
1978	ATS-Ford								SUE 15	FRA 16	GBR Ret					USA Ret	CAN Ret	NC	0
1979	Wolf-Ford	ARG	BRA	RSA	USW	ESP	BEL	MON	FRA 9	GBR Ret	ALE Ret	AUT Ret	NED Ret	ITA Ret	CAN DNQ	USA Ret		NC	0
1980	Fittipaldi-Ford	ARG 3	BRA 9	RSA Ret	USW Ret	BEL 7	MON DNQ	FRA Ret	GBR DNQ	ALE Ret	AUT 16	NED DNQ	ITA 5	CAN 9	USA 10			10º	6
1981	Fittipaldi-Ford	USW Ret	BRA 9	ARG Ret	SMR Ret	BEL Ret	MON DNQ	ESP 12	FRA Ret	GBR Ret	ALE DNQ	AUT	NED DNQ	ITA DNQ	CAN DNQ	LVG 10		NC	0
1982	Williams-Ford	RSA 5	BRA DSQ	USW 2	SMR	BEL 2	MON Ret	USA 4	CAN Ret	NED 3	GBR Ret	FRA 5	ALE 3	AUT 2	SUI 1	ITA 8	LVG 5	1º	44
1983	Williams-Honda	BRA Ret	USW Ret	FRA 5	SMR 4	MON 1	BEL 5	USA 2	CAN 4	GBR 11	ALE 10	AUT 8	NED Ret	ITA 11	EUR Ret	RSA 5		5º	27
1984	Williams-Honda	BRA 2	RSA Ret	BEL 4	SMR Ret	FRA 6	MON 4	CAN Ret	USA Ret	USA 1	GBR Ret	ALE Ret	AUT Ret	NED 8	ITA Ret	EUR Ret	POR Ret	8º	20,5
1985	Williams-Honda	BRA Ret	POR Ret	SMR Ret	MON 8	CAN 4	USA 1	FRA 2	GBR Ret	ALE 12	AUT Ret	NED Ret	ITA Ret	BEL 4	EUR 3	SDA 2	AUS 1	3º	40
1986	McLaren-TAG	BRA Ret	ESP 4	SMR 5	MON 2	BEL Ret	CAN 4	USA Ret	FRA 4	GBR Ret	ALE 5	HUN Ret	AUT 9	ITA 4	POR Ret	MEX Ret	AUS Ret	6º	22