Partíu Árabe Socialista Baaz
El Partíu Árabe Socialista Baaz (tamién trescrito como Baath o Ba'ath, n'árabe: حزب البعث العربي الاشتراكي), foi fundáu en 1947 como un partíu políticu nacionalista árabe llaicu, radical socialista. Funcionaba como un partíu panárabe con rames en diferentes países árabes, pero yera más fuerte en Siria ya Iraq. Asumió'l poder en dambos países en 1963. En 1966 los partíos siriu ya iraquín convirtiéronse en facciones rivales. Ambos partidos Baaz caltuvieron el mesmu nome y tienen estructures paraleles nel mundu árabe.
| Partíu Árabe Socialista Baaz | |
|---|---|
 | |
| Fundadores |
Michel Aflaq (es)  , Salah Bitar (es) y Zaki al-Arsuzi (es) |
| Secretaría xeneral |
Michel Aflaq (es) |
| Fundación | 7 d'abril de 1947 |
| Disolución | 23 de febreru de 1966 |
| Asocedíu por |
Ba'ath Party (en) y Partido Baaz Árabe Socialista en Siria (es) |
| Sede | Damascu |
| Estáu |
 Baḥréin |
| Ideoloxía política |
antiamericanismu, antisionismo (es) , baazismo (es) , nacionalismo árabe (es) , Nasserismu, panarabismo (es) , secularismu, unipartidismu, Socialismu árabe, Autoritarismu, antimperialismu, Patriotismu socialista y nacionalismu d'izquierda |
| Posición nel espectru | estrema izquierda |
 | |
Apaeció d'entamu como movimientu nacionalista árabe en 1932 de la mano de los pensadores sirios Michel Aflaq y Salah Bitar. Tomó fuercia nos años siguientes en Siria (onde se-y amestaron militantes de grupos marxistes) y el vecín Iraq (onde se implantó fuertemente nel exércitu). Nun foi fundáu oficialmente como partíu hasta la celebración del so primer congresu en Damascu, el 7 d'abril de 1947.
La pallabra árabe "Baaz" significa "resurrección", como na obra publicada por Michel Aflaq, titulada Nel camín de la resurrección. Les creencies baazistes combinen el socialismu árabe, el nacionalismu y el panarabismu. La ideoloxía, na so mayor parte llaica, contrasta muncho cola d'otros gobiernos árabes nel Oriente Mediu, qu'a veces tienden a orientarse hacia l'islamismu y la teocracia. Dellos analistes ocidentales piensen que'l Partíu Baaz asemeya en cierta manera a la ideoloxía fascista pol so discursu populista, el so nacionalismu panarabista que casi se convierte n'espansionismu y poles sos tendencies a ser na práutica parte de la derecha política.
El lema del partíu ye "Unidá, llibertá, socialismu" (n'árabe wahda, hurriya, ishtirakiya). La "unidá" refierse a la unidá árabe, la "llibertá" fai énfasis na lliberación del control extranxeru y particularmente de la so intervención, y el "socialismu" refierse a lo que se denomina socialismu árabe enantes qu'al marxismu.
El Partíu Baaz llegó al poder en Siria el 8 de marzu de 1963 y caltuvo un monopoliu sobre'l poder político dende finales d'esi añu. Los baazistes gobernaron Iraq brevemente en 1963, y llueu dende xunetu de 1968 hasta 2003. Tres la destitución "de facto" del réxime baazista del presidente Sadam Husein demientres la invasión d'Iraq de 2003, les autoridaes d'ocupación prohibieron el Partíu Baaz Iraquín en xunu de 2003.
Referencies
editarEnllaces esternos
editar
Wikimedia Commons tien conteníu multimedia tocante a Partíu Árabe Socialista Baaz.
