Richard Widmark (Richard Weedt Widmark: Sunrise, Minnesota, 26 d'avientu de 1914 - Roxbury, Connecticut, 24 de marzu de 2008[6]) foi un actor de cine d'Estaos Xuníos. Empecipiáu nel teatru y na radio, pasó al cine en 1947, destacando pola so estraordinaria versatilidad, interpretando papeles en películes de cine negru, del oeste o d'aventures.

Richard Widmark
Vida
Nacimientu Municipio de Sunrise (es) Traducir26 d'avientu de 1914[1]
Nacionalidá Bandera de Estaos Xuníos d'América Estaos Xuníos
Muerte Roxbury (es) Traducir24 de marzu de 2008[2] (93 años)
Sepultura Great Oak Cemetery (en) Traducir
Familia
Casáu con Jean Hazlewood (1942 – 1997)[3]
Susan Blanchard (1999 – 2008)
Fíos/es
Estudios
Estudios Lake Forest College (en) Traducir
Princeton High School (en) Traducir
Llingües falaes inglés[5]
Oficiu actor de cine, actor de teatru, actor de televisión, direutor de cineactor
Altor 178 cm
Llugares de trabayu Estaos Xuníos
Premios
Nominaciones
Xéneru artísticu western
IMDb nm0001847
Cambiar los datos en Wikidata

Biografía editar

Richard Widmark creció na llocalidá de Princeton, Illinois. Por causa de l'oficiu del so padre, representante comercial, el mozu Richard moró en distintes poblaciones mientres la so infancia y adolescencia. Finalmente, allegó a la Universidá de Lake Forest, onde estudiaría interpretación. Debutó na radio, en 1938, nel serial Aunt Jenny's Real Life Stories. Empezó a trabayar en Broadway, en 1943, cola obra Kiss and Tell. Foi declaráu incapacitado mientres la II Guerra Mundial, por cuenta de una perforación de tímpanu.

La so magnífica interpretación nesta obra de teatru foi bien apreciada pol direutor Henry Hathaway, quien cuntó con él pa faelo debutar nel cine con El besu de la muerte, en 1947. Widmark faía'l papel del gángster asesín Tommy Udo. La escena que va pasar a la hestoria d'esta película ye aquella en que Udo emburria a una vieya nuna siella de ruedes (papel interpretáu por Mildred Dunnock) escaleres abaxo. El besu de la muerte foi un ésitu atayante y Widmark convirtióse nuna estrella de la nueche al día. D'esta manera, l'actor consiguiría un contratu de siete años cola 20th Century Fox. Amás ganó'l premiu al meyor actor revelación de los Globos d'Oru, y foi nomáu a los Óscar al meyor actor secundariu.

Richard Widmark foi un actor de cultu qu'interpretó sólidamente personaxes duros, estructurados y monolíticos, y amás sobre-esixíos, pero qu'en dalgún momentu dexa entever una tenue fonderada d'humanidá.

Mientres la década de los 40 y de los 50, Widmark intervieno en munches producciones. Ente los sos meyores títulos, destaquen Nueche na ciudá (1950), de Jules Dassin; Un rayu de lluz (1950), de Joseph L. Mankiewicz; Panic in the streets (1951), d'Elia Kazan; Broken Lance (1954), d'Edward Dmytryk; La tela d'araña (1955), de Vincente Minnelli; La llei del talión (1956), de Delmer Daves y Desafíu na ciudá muerta (1958), de John Sturges.

Na década de los 60 protagonizaría dalgunos de los sos títulos más conocíos, como The Alamo (1960), de John Wayne; Vencedores o vencíos (1961), de Stanley Kramer; Dos acaballen xuntos (1961), de John Ford o Brigada homicida (1968), filme empobináu por Don Siegel. Precisamente'l personaxe d'esta última película, el detective Madigan, tamién trunfaría na televisión mientres los años 70. Unu de los filmes más destacables ye'l L'Incidente Bedford (1965) onde protagoniza xunto a Sidney Poitier un filme bélicu d'intensa tensión emocional.

Widmark tuvo casáu con Jean Hazlewood, escritora, dende 1942 hasta la muerte d'ella, asocedida'l 2 de marzu de 1997. En setiembre de 1999, Widmark casóse con Susan Blanchard. Widmark vivía dende entós retiráu de les pantalles, en Roxbury, Connecticut.

Filmografía editar

Premios editar

Óscar editar

Añu Categoría Película Resultáu
1947 Óscar al meyor actor de repartu El besu de la muerte Candidatu

Globu d'Oru editar

Añu Categoría Película Resultáu
1947 Globu d'Oru a la nueva estrella del añu Actor El besu de la muerte Ganador

Referencies editar

  1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. URL de la referencia: http://www.nytimes.com/2008/03/26/arts/26cnd-widmark.html?hp=&pagewanted=all.
  3. Identificador de persona en The Peerage: p24954.htm#i249537. Data de consulta: 7 agostu 2020.
  4. Afirmao en: The Peerage. Llingua de la obra o nome: inglés. Autor: Darryl Lundy.
  5. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  6. Richard Widmark, actor, un clásicu de Hollywood

Enllaces esternos editar