Abrir el menú principal

Sophia Kosow (Bronx, Nueva York; 8 d'agostu de 1910 - New York City, Nueva York; 1 de xunetu de 1999), meyor conocida como Sylvia Sidney foi una actriz estauxunidense nomada a los Premiu Óscar y ganadora d'un Globu d'Oru.

Sylvia Sidney35mm film frames.svg
Sylvia Sidney Argentinean Magazine AD (corp).jpg
Sylvia Sidney en 1932.
Vida
Nacimientu El Bronx8  d'agostu de 1910
Nacionalidá Bandera de Estaos Xuníos d'América Estaos Xuníos
Fallecimientu

Nueva York1  de xunetu de 1999

(88 años)
Causa de la muerte cáncer d'esófagu
Familia
Casáu/ada con Bennett Cerf Traducir  (1935 -  1936)
Luther Adler  (1938 -  1946)
Oficiu
Oficiu actriz, actriz de teatru, actriz de televisión y actriz de cine
Nominaciones
Creencies
Relixón Xudaísmu
Partíu políticu California Republican Party Traducir
IMDb nm0796662
Sylvia Sidney signature.jpg
Cambiar los datos en Wikidata

BiografíaEditar

InicioEditar

Sidney, que'l so verdaderu nome yera Sophia Kosow, nació nel Bronx, Nueva York. La so madre yera Rebecca, una xudía rumana, y el so padre yera Victor Kosow, un inmigrante rusu xudíu. Sidney fíxose actriz a los 15 años como una manera de superar la so gran cobardura, usando l'apellíu del so padrastru como nome profesional. Como estudiante de la Theater Guild's School for Acting, Sidney apaeció en delles de les sos producciones a lo llargo de los años venti, y consiguió crítiques teatrales emponderadores. En 1926 foi afayada por un cazatalentos de Hollywood, y debutó nel cine esi mesmu añu.

CarreraEditar

Mientres la Depresión, Sidney intervieno en numberoses películes, de cutiu nel papel de l'amiga o la hermana d'un gánster. Trabayó al pie de estrelles de la categoría de Gary Cooper, Spencer Tracy, Henry Fonda, Joel McCrea, Fredric March, George Raft —un compañeru frecuente nes sos películes—, y Cary Grant. Ente les sos películes d'esti periodu pueden mentase An American Tragedy, City Streets y Street Scene, toes de 1931; Sabotage (Sabotaxe), de Alfred Hitchcock, y Roxura, de Fritz Lang, dambes de 1936; You and Me, Namái se vive una vegada y Dead End (Caleyón ensin salida), los dos de 1937.

 
Sylvia Sidney.

La so carrera menguó daqué mientres los años cuarenta. En 1952, fixo'l papel de Fantine en Les Misérables (Los miserables), rexistru que foi bien allabáu y que-y dio la oportunidá de desenvolvese como una actriz de calter. Recibió una nominación al Óscar a la meyor actriz de repartu pol so papel en Summer Wishes, Winter Dreams (Deseos de branu, suaños d'iviernu) de 1973, premiu que se llevó l'actriz de 10 años Tatum O'Neal.

Yá mayor siguió interpretando papeles secundarios, y yera identificable pola so voz ronca, resultáu del so tabaquismu. Foi la terrible Miss Coral na versión filmada de I Never Promised You a Rose Garden (Nunca te prometí un xardín de roses). Interpretó a la güela de Aidan Quinn na producción televisiva An Early Frost, pola cual ganó un Globu d'Oru. Tamién tuvo papeles importantes en Beetlejuice, dirixida por Tim Burton —fan de Sidney—, y en Used People (Romance serondiegu), xunto a Jessica Tandy, Marcello Mastroianni, Marcia Gay Harden, Kathy Bates y Shirley MacLaine. Tamién trabayó en Damien Omen 2 (La profecía II).

La so última interpretación foi n'otra película de Burton, Mars Attacks!, na cual interpretaba a una vieya senil que la so música —de Slim Whitman— frena una invasión alienígena de Marte.

En televisión, interpretó a la imperiosa madre de Gordon Jump nel episodiu piloto de WKRP in Cincinnati, a la solmenada güela de Melanie Mayron na serie Treintaytantos y, finalmente, a la malhumorada axente de viaxes de la reposición de 1998 de la serie Fantasy Island, con Malcolm McDowell, Fyvush Finkel y Madchen Amick.

Vida personalEditar

Sidney tuvo casada tres veces: con Bennett Cerf de 1935 a 1936, col actor Luther Adler dende 1938 hasta 1947 —y col que tuvo'l so únicu fíu, Jacob, que finó primero que ella— y finalmente tuvo casada col productor de radio Carlton Alsop dende 1947 hasta 1951. Finó en Nueva York a los 88 años, tres una carrera de más de 70 años.

Sidney tien una estrella nel Paséu de la Fama de Hollywood, nel 6245 de Hollywood Boulevard, pola so contribución al cine.

Filmografía (seleición)Editar

Enllaces esternosEditar