Tau1 Gruis
Tau1 Gruis (τ1 Gru)[1][2] ye una estrella na constelación de Grus, la grulla. De magnitú aparente +6,03, comparte la denominación de Bayer «Tau» con otros dos estrelles, τ2 Gru y τ³ Gru. Los trés estrelles nun tán físicamente rellacionaes ente sigo, topándose a distinta distancia del Sistema Solar. En 2002 anuncióse'l descubrimientu d'un planeta estrasolar n'órbita alredor de Tau1 Gruis.
 Tau1 Gruis | ||
|---|---|---|
| Datos d'observación (Dómina J2000.0) | ||
| Constelación | Grus | |
| Ascensión reuta (α) | 22h 53min 37,93s | |
| Declinación (δ) | -48º 35’ 53,8’’ | |
| Mag. aparente (V) | +7,72 | |
| Carauterístiques físiques | ||
| Clasificación estelar | G0V | |
| Masa solar | 1,33 M☉ | |
| Radiu | (1,72 R☉) | |
| Magnitú absoluta | +3,42 | |
| Gravedá superficial | 4,20 (log g) | |
| Lluminosidá | 3,6 L☉ | |
| Temperatura superficial | 6008 K | |
| Metalicidá | [Fe/H] = +0,24 | |
| Astrometría | ||
| Velocidá radial | -1,1 km/s | |
| Distancia | 109 años lluz | |
| Paralax | 30,66 ± 0,39 mas | |
| Sistema | ||
| Planetes y otros astros | 1 | |
| Referencies | ||
| SIMBAD | enllaz | |
| NStED | enllaz | |
| EPE | enlace | |
| Otres designaciones | ||
| HD 216435 / HR 8700 / HIP 113044 / GJ 9802 / SAO 231343 / BD-49 13988 / NLTT 55141 | ||
| [editar datos en Wikidata] | ||
Carauterístiques físiques
editarAsitiada a 109 años lluz de distancia del Sistema Solar, Tau1 Gruis ye una nana mariella de tipu espectral G0V y 6008 K de temperatura efectivo.[3] Sicasí, la so elevada lluminosidá —3,6 vegaes mayor que la del Sol—, suxer que ta empezando a evolucionar y que probablemente va rematar llueu la fusión del so hidróxenu internu.[4] Esto tamién vien acotáu pol so tamañu, yá que'l so radiu, evaluáu per aciu interferometría, ye un 72% más grande que'l del Sol.[5] La so velocidá de rotación ye igual o superior a 5,9 km/s y nun amuesa actividá cromosférica.[6] Tien una masa aproximao un 33% mayor que la masa solar y una edá envalorada de 5400 millones d'años.[3]
Composición elemental
editarComo munches estrelles con sistemes planetarios, Tau1 Gruis tien una elevada metalicidá —basada na so bayura relativa de fierro—, siendo ésta un 74% mayor que la solar ([Fe/H] = +0,24). Otros elementos evaluaos tamién son «sobreabundantes», como por casu el sodiu, 2,2 vegaes más abondosa que nel Sol.[7] Tocantes al so conteníu de litiu (logє[Li] = 2,77),[3] ésti ye bien cimeru a la solar, pero hai que tener en cuenta que'l Sol paez tar emprobecíu nesti elementu en rellación a otres estrelles asemeyaes de la nuesa redolada.
Sistema planetariu
editarMidíes de velocidá radial suxeren qu'en redol a Tau1 Gruis esiste un planeta con una masa mínimo 1,23 vegaes mayor que la masa de Xúpiter. Asitiáu a una distancia media de 2,56 UA de la estrella —la distancia que dixebra al cinturón d'asteroides del Sol—, completa una órbita casi circular en daqué más de 3,6 años.[8]
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| Tau1 Gruis b | > 1,23 | 1311 ± 49 | 2,56 | 0,0703 ± 0,0781 |
Ver tamién
editarReferencies
editar- ↑ Tau1 Gruis (SIMBAD)
- ↑ Tau1 Gruis Archiváu 2016-04-29 en Wayback Machine (The Bright Star Catalogue)
- ↑ 3,0 3,1 3,2 Gálvez-Ortiz, M. C.; Delgado-Mena, Y.; González Hernández, J. I.; Israelian, G.; Santos, N. C.; Rebolo, R.; Ecuvillon, A. (2011). «Beryllium abundances in stars with planets. Extending the sample». Astronomy and Astrophysics 530. A66. http://cdsads.u-strasbg.fr/cgi-bin/nph-bib_query?2011A%26A...530A..66G&db_key=AST&nosetcookie=1.
- ↑ Tau1 Gruis (Stars, Jim Kaler)
- ↑ van Belle, Gerard T.; von Braun, Kaspar (2009). «Directly Determined Linear Radii and Effective Temperatures of Exoplanet Host Stars». The Astrophysical Journal 694 (2). páxs. 1085-1098. http://cdsads.u-strasbg.fr/cgi-bin/nph-bib_query?2009ApJ...694.1085V&db_key=AST&nosetcookie=1.
- ↑ Tau1 Gruis (Solstation)
- ↑ Gonzalez, Guillermo; Laws, Chris (2007). «Parent stars of estrasolar planets - VIII. Chemical abundances for 18 elements in 31 stars». Monthly Notices of the Royal Astronomical Society 378 (3). páxs. 1141-1152. http://cdsads.u-strasbg.fr/cgi-bin/nph-bib_query?2007MNRAS.378.1141G&db_key=AST&nosetcookie=1.
- ↑ HD 216435 (The Estrasolar Planet Encyclopaedia)
Coordenaes: 
22h 53m 37.932s, -48° 35′ 53.824″
Datos: Q285279
