William C. Stokoe
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
William C. Stokoe (21 de xunetu de 1919, Lancaster (es) 
– 4 d'abril de 2000, Chevy Chase (es) ) foi un llingüista y profesor estauxunidense, profundizador de les investigaciones modernes sobre la llingüística de les llingües de señes de los sordus.
William C. Stokoe | |
|---|---|
 | |
| Vida | |
| Nacimientu |
Lancaster (es) , 21 de xunetu de 1919[1] |
| Nacionalidá |
 Estaos Xuníos |
| Muerte |
Chevy Chase (es) , 4 d'abril de 2000[1] (80 años) |
| Estudios | |
| Estudios | Universidá Cornell |
| Llingües falaes | inglés[2] |
| Oficiu | llingüista, profesor universitariu |
| Emplegadores |
Wells College (es) |
| Miembru de | Academia de les Artes y les Ciencies d'Estaos Xuníos |
 | |
Datos biográficos
editarWilliam C. Stokoe nació en Lancaster, New Hampshire, en 1919, y morrió en Chevy Chase, Maryland, el 4 d'abril de 2000. La so vida profesional trescurrió, casi totalmente, na Universidá de Gallaudet, de la cual aportó a profesor eméritu.
En 1955 ingresó a la Universidá de Gallaudet como profesor d'inglés pa los estudiantes sordos. Impresionáu pola riqueza de la llingua de señes de los sos alumnos, que s'escluyía entós de los preseos d'enseñanza, Stokoe empezó a desenvolver un métodu descriptivu que-y dexara afayar nesi códigu xestual estructures llingüístiques.
En 1960 publicó la monografía Sign Language Structure (Estructura de la llingua de señes), na que propón que les señes pueden ser analizaes como compuestos simultáneos de tres elemento ensin significáu (morfemes xestuales): una forma de la mano (queirema), una actividá de la mano (quinema) y un llugar ocupáu pola mano (toponema). Ello dexó-y argumentar que la llingua de señes usada polos sos estudiantes yera un códigu doblemente articuláu, esto ye, una llingua natural. Con esto afondó nun campu d'investigaciones que güei se conoz como la llingüística de les llingües de señes, empecipiada nel sieglu XVIII por Lorenzo Hervás y Panduro y siguida nel XIX, ente otros, por Augusto Bebián.
Amás del so trabayu científicu, qu'algama dellos cientos de títulos, Stokoe foi un entusiasta editor, que sofitó les investigaciones sobre les llingües de señes en tol mundu al traviés de la revista Sign Language Studies y de la editorial Linstok Press, qu'él fundó y les cualos dirixó hasta la so muerte.
Referencies
editar- ↑ 1,0 1,1 Afirmao en: Encyclopædia Britannica Online. Identificador Encyclopædia Britannica Online: biography/William-C-Stokoe-Jr. Apaez como: William C. Stokoe, Jr.. Data de consulta: 9 ochobre 2017. Llingua de la obra o nome: inglés.
- ↑ Afirmao en: catálogu de la Biblioteca Nacional Checa. Identificador NKCR AUT: jn20010601913. Data de consulta: 1r setiembre 2024.
Enllaces esternos
editar- Biografía de William C. Stokoe Archiváu 2017-10-22 en Wayback Machine (n'inglés)
- Llista d'obres
Datos: Q2033326
