Agora Repúbliques

Agora Repúbliques (en catalán: Ara Repúbliques, n'eusquera: Orain Errepublikak, en gallegu: Agora Repúblicas, n'asturianu: Agora Repúbliques, n'aragonés: Agora Republicas) ye una alianza eleutoral formada pa les eleiciones al Parllamentu Européu de 2019 n'España por Esquerra Republicana de Catalunya (ERC), Euskal Herria Bildu (EH Bildu) y el Bloque Nacionalista Galego (BNG), formaciones a les que darréu se-yos xunió Ahora Canarias —confluencia d'Alternativa Nacionalista Canaria (ANC), Congreso Nacional de Canarias (CNC) y Unidad del Pueblo Canario (UP)—,​ según el partíu asturianu Andecha Astur y l'aragonés Puyalón de Cuchas.

Agora Repúbliques
Fundación	3 d'abril de 2019
Estáu	España
Ideoloxía política	independentismu, republicanismu, rexonalismu, Nacionalismu d'esquierda y Progresismu
Posición nel espectru	izquierda
Páxina web	ahorarepublicas.eu

Socesora de La Izquierda pol Drechu a Decidir y Los Pueblos Deciden, coaliciones qu'en conxuntu llograron trés parllamentarios nes eleiciones de 2014, Agora Repúbliques amosóse abierta a otres formaciones soberanistes, republicanes y progresistes».

Composición

Agora Repúbliques acutó los puestos unu, trés y cuatro de la llista a ERC.​ El so candidatu principal ye Oriol Junqueras, en prisión dende 2017 pola celebración del referéndum d'independencia de Cataluña; el segundu puestu pa ocupar ye pal representante d'EH Bildu, Pernando Barrena;​ el tercer puestu ye pa Diana Riba, muyer de Raül Romeva, tamién encarceláu; el cuartu, pa Jordi Solé; y el quintu, p'Ana Miranda, del BNG, quien yá formó parte del Parllamentu Européu enantes, al igual qu'Oriol Junqueras y Jordi Solé.

Partíu		Llugar	Candidatos
	Esquerra Republicana	Cataluña, Islles Baleares, Comunidá Valenciana	Oriol Junqueras, Diana Riba
	Euskal Herria Bildu	País Vascu, Navarra	Pernando Barrena
	Bloque Nacionalista Galego	Galicia	Ana Miranda
	Ahora Canarias	Islles Canaries
	Andecha Astur	Asturies
	Puyalón de Cuchas	Aragón

Enllaces esternos

• Datos: Q60646639