Anton Chekhov
Anton Pávlovich Chekhov en rusu Антон Павлович Чехов (fecha en calendario juliano y gregoriano (es) 
17 de xineru de 1860 (xul.), Taganrog – fecha en calendario juliano y gregoriano (es) 15 de xunetu de 1904, Badenweiler) foi un escritor y dramaturgu rusu. Encuadrable na corriente naturalista foi mayestru del rellatu curtiu.
Biografía
editarChekhov nació en Taganrog, puertu provincial del Mar d'Azov. Yera fíu d'un tenderu y nietu d'un siervu que mercó la so llibertá. Chékhov yera'l terceru de seis hermanos. So pá impartió-yos una disciplina estricta y mui relixosa.
El pá de Chekhov entamó a tener series dificultaes económiques en 1875; el so negociu quebró y viose forzáu a escapar a Moscú pa evitar la cárcele. Fasta que nun finó los sos estudios en 1879, Anton nun s'axuntó cola familia. Entamó a estudiar medicina na Universidá de Moscú.
Nun intentu d'aidar a la so familia, Chekhov entamó a escribir rellatos humorísticos curtios y caricatures de la vida en Rusia baxo'l nomatu de “Antoxa Chekhonte”. Desconozse cuantes histories escribió nesta dómina, pero sábese que ganó darréu fama de bon cronista de la vida rusa.
Chekhov convirtióse en médicu en 1884 pero siguió escribiendo pa diferentes selmanarios. En 1885 entamó a collaborar cola Peterbúrgskaya gazeta con artículos más ellaboraos de lo que los venia faciendo. N'avientu d'esi añu, convidáronlu a collaborar nún de los periódicos más respetaos de San Petersburgu, el Nóvoye vremia. En 1886 Chekhov yá se convirtiere nun escritor famosu. Esi mesmu añu publicó la so primer obra, Rellatos de Montley; al añu siguiente ganó'l premiu Puxquin gracies a la coleición de rellatos curtios Al Atapecer.
En 1887 a causa d'una debilitación de la so salú (primeros síntomes de la tuberculosis que finaría cola so vida) Chekhov viaxó a Ucraína. De regresu estrenó la so obra La Gaviota; ésitu qu'interpretó la compañía del teatru d'arte de Moscú. Antón escribió tres obres más pa esta compañía: Tío Vania (1897), Les Tres Hermanes (1901) y El Xardín de les Cerezales (1904). En 1901 casóse con Olga Leonardovna Knipper, una actriz qu'actuare nes sos obres.
Chekov pasó gran parte de sus 44 años gravemente enfermu pola tuberculosis que garró de los sos pacientes a finales de 1880. La enfermedá obligólu a pasar llarges temporaes en Niza, Francia y dempués en Yalta, Crimea ya que'l clima templáu d'estes zones yera preferible a los crueles iviernos rusos.
Anton Chekhov morrió poles complicaciones provocaes pola tuberculosis en Badenweiler, Alemaña, onde taba pa recibir tratamientu nuna clínica especializada. Ta enterráu nel cimenteriu de Novodevichy.
Influencia de la so obra
editarAnque yá yera conocíu en Rusia enantes de morrer, Chekhov fizóse internacionalmente famosu nos años posteriores a la Primer Guerra Mundial, cuandu les tornesde Constance Granet al inglés a popularizar la so obra.
Les obras algamaron gran sonadía n' Inglaterra na década de los 20 y convirtiéronse nun clásicu de la escena británica. En Estaos Xuníos, autores como Tennessee Williams o Arthur Miller utilizaron téuniques de Chekov pa escribir dalgunes de sus obras.
Obres
editarTeatru
editar- Platonov (1881)- obra d'un actu
- Sobro'l dañu que fai'l tabacu (1886-1902)
- Ivanov («Иванов» - 1887)- cuatro actos, gran ésito d'escena
- L'osu ("Meдвeд" 1888)- comedia d'un actu
- Una propuesta de matrimoniu (1888-1889)- un acto
- El demonio de madera (1889)- un actu
- La gaviota («Чайка» - 1896)
- Tío Vania («Дядя Ваня» - 1899-1900)
- Les tres hermanes («Три сестры» - 1901)
- El xardín de les cerezales ("Вишневый сад" - 1904)
Obres de Non-Ficción
editar- La islla de Sakhalin («Остров Сахалин» - 1895)
Dellos títulos de sus rellatos curtios
editar- Intrigues
- Lluces
- Ostres
- El Doctor
- Felicidá
- El duelu («Дуэль»)
- Nel exiliu
- La mio vida
- En Navidá
- L'obispu
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Enciclopedia Literaria Concisa. Cita: 17(29).I.1860. Editorial: Большая Российская энциклопедия. Llingua de la obra o nome: rusu. Data d'espublización: 1962.
- ↑ URL de la referencia: http://onlinelibrary.wiley.com/doi/10.1002/rmv.365/pdf.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://bigenc.ru/literature/text/4684952. Data de consulta: 6 febreru 2019. Cita: 2(15).7.1904.
- ↑ 6,0 6,1 Afirmao en: Enciclopedia Literaria Concisa. Editorial: Большая Российская энциклопедия. Llingua de la obra o nome: rusu. Data d'espublización: 1962.
- ↑ Pyotr Bykov. «Q20031476» (en rusu). Brockhaus and Efron Encyclopedic Dictionary. Volume XXXVIIIа, 1903.
- ↑ «Q21745610» (en rusu). Brockhaus and Efron Encyclopedic Dictionary. Volume XXXVIIIа, 1903.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://goslitmuz.ru/istoriya-eksponata/?ID=1775. Data de consulta: 18 avientu 2023.
- ↑ Traducción literal: Brawd fy mrawd.
Enllaces esternos
editar- La Gaviota (ebook), Biblioteca Digital Carlos Pellegrini Archiváu 2006-02-11 en Wayback Machine (en castellán)
- El Jardín de los Cerezos (ebook), Biblioteca Digital Carlos Pellegrini Archiváu 2006-02-11 en Wayback Machine (en castellán)
- Algunas traducciones de obras de Chéjov (en castellán)
Wikimedia Commons tien conteníu multimedia tocante a Chekhov.
Datos: Q5685- Multimedia: Anton Pavlovich Chekhov
Cites famoses: Antón Chéjov
Testos: Autor:Antón Chéjov
