NASA
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
NASA o National Aeronautics and Space Administration ye'l nome n'inglés de l'Alministración Nacional d'Aeronáutica y del Espaciu de los Estaos Xuníos d'América, que ye l'axencia gubernamental responsable de los programes espaciales.
Historia
editarEl Programa espacial soviéticu llanzó'l primer satélite artificial del mundu (Sputnik 1) el 4 d'ochobre de 1957. El Congresu de los Estaos Xuníos d'América percibiólu como una amenaza a la seguridá y el Presidente Eisenhower y los sos conseyeros, tres dellos meses d'alderique, tomaron l'alcuerdu de fundar una nueva axencia federal que dirixera tola actividá espacial no militar.
El 29 de xunetu de 1958 Eisenhower robló l'acta que funda la NASA, qu'entamó a funcionar el 1 d'ochobre de 1958 con cuatro llaboratorios y unos 8.000 emplegaos.
L'envís de los primeros programes yera poner una nave tripulada n'órbita y ello fízose baxo la presión de la competencia ente los EE.XX. y la XRSS na denomada Carrera espacial que se produxo demientres la Guerra Fría.
Programes de la NASA
editarEl Programa Mercury
editar
El Programa Mercury comenzó en 1958, col oxetivu de descubrir si l'home podía sobrevivir nel espaciu esterior. El 5 de mayu de 1961 Alan Shephard foi'l primer astronauta d'Estaos Xuníos al pilotar la nave Llibertá 7 nun vuelu suborbital de 15 minutos. John Glenn convirtióse'l 20 de febreru de 1962 nel primer astronauta d'Estaos Xuníos n'orbitar la Tierra, demientres un vuelu de 5 hores cola nave Amistá 7 que dio 3 vueltes a la Tierra
El Programa Gémini
editarEl 25 de mayu de 1961 el Presidente John F. Kennedy anunció qu'Estaos Xuníos había comprometese a "aterrizar a un home na Lluna y devolvelu sanu y salvu a la Tierra enantes del final de la década", pa lo que creóse'l Programa Apollo. El Programa Gémini concibióse pa probar les téuniques necesaries pal Programa Apollo, que necesitaba misiones munchu más complexes.
Comenzó col Gemini 3 el 21 de marzu de 1965 y acabó col Gemini 12 el 11 de payares de 1966. Edward White, que postreramente morrió nel accidente del Apollo 1, fizo col Gemini 4 el 3 de xunu de 1965 la primera caminata espacial d'un astronauta d'Estaos Xuníos. El 15 d'avientu de 1965 los Gemini 6 y 7, tripulaos por dos astronautes caún, ficieron la so primer cita espacial aproximando les naves hasta 1,8 m. El vuelu del Gemini 7 tuvo una duración de dos selmanes, tiempu que s'estimó necesariu pa les misiones Apollo. El 16 de marzu de 1966 la nave Gemini 8 tripulada por David Scott y Neil Armstrong, que llueu sería'l primer home en pisar la Lluna, atracaron la so nave al cohete Agena 8 preparando la maniobra d'atraque ente'l módulu llunar y la nave Apollo.
El Programa Apollo
editar
A lo llargo de los ocho años de misiones preliminares la NASA tuvo perda d'astronautes col Apollo 1 que s'incendió na rampla de llanzamientu demientres un ensayu y los sos tres astronautes morrieron. El Programa Apollo llogró la so meta col Apollo 11 qu'aterrizó con Neil Armstrong y Edwin E. Aldrin na superficie de la Lluna'l 20 de xunetu de 1969 y devolviólos a la Tierra el 24 de xunetu. Les primeres pallabres d'Armstrong al poner el pie sobre la Lluna foron: «Ésti ye un pequeñu pasu pa un home, pero un gran saltu pa la humanidá».
Diez homes más formaron la llista d'astronautes en pisar la Lluna cuando finó'l programa anticipadamente col Apollo 17, en payares de 1972, que'l so resultáu foi, arriendes de la recoyida de muestres de roques, la instalación d'equipos d'estudiu superficiales ALSEP qu'aínda siguen unviando información.
La NASA ganara la carrera espacial y, de dalgún mou, esto dexóla ensin oxetivos al amenorgar l'atención pública, que yera a garantizar los grandes presupuestos del Congresu. Nin la casi tráxica misión del Apollo 13, onde l'españíu d'un tanque d'oxíxenu casi-yos costó la vida a los tres astronautes y obligólos a arrenunciar a pisar la Lluna, pudo volver a atraer l'atención. Les misiones posteriores al Apollo 17 (taben planificaes varies misiones más, hasta l'Apollo 20) suspendiéronse. Los retayos del presupuestu, en parte por causa de la Guerra de Vietnam, provocaron el fin del programa. Los tres Saturnu V non usaos, usáronse pal desendolcu del primer llaboratoriu d'Estaos Xuníos n'órbita, el Skylab, y les idees foron na llinia de desendolcar un vehículu espacial reutilizable como'l tresbordador espacial. Poco conocíu ye'l proyeutu AAP (Apollo Applications Program), que tendría de ser el sustitutu de les misiones Apollo, o el LASS, destináu a establecer una base habitada na superficie del satéllite.
Misiones non tripulaes
editarMagar que la inmensa mayoría del presupuestu de NASA gastóse nos vuelos tripulaos, hebo munches misiones non tripulaes promovíes pola axencia espacial.
En 1962 el Mariner 2 foi la primer nave espacial en facer un sobrevuelu cercanu a otru planeta, nesti casu Venus. Los programes Ranger, Surveyor y Lunar Orbiter yeren esenciales pa evaluar les condiciones llunares enantes d'intentar el vuelu tripuláu del programa Apollo. Posteriormente, les dos sondes Viking qu'aterrizaron na superficie de Marte unviaron a la Tierra les primeres imáxenes de la superficie del planeta. Seique les misiones non tripulaes más impresionantes fueren los programes Pioneer 10, Pioneer 11, Voyager 1 y Voyager 2, misiones que visitaron Xúpiter, Saturnu, Uranu y Neptunu y unviaron impresionantes imáxenes en color de toos ellos y la mayoría de los sos satélites.
Cooperación ente EE.XX. y la XRSS
editarEl desarrollu yá llográu poles dos potencies espaciales, tenía de producir un acercamientu ente la Xunión Soviética y los Estaos Xuníos. Poro, el 17 de xunetu de 1975 un Apollo, encontrando un usu nuevu dempués de la cancelación del Apollo 18, acoplóse a un Soyuz soviéticu na misión Apollo-Soyuz pa la qu'hebo de diseñar un módulu intermediu y acercar la teunoloxía de les dos naciones. Magar que la Guerra Fría duraría más años, esti foi un puntu críticu na historia de NASA y el principiu de la collaboración internacional na esploración espacial. Dempués vinieron los vuelos del tresbordador a la estación rusa Mir, vuelos d'astronautes d'Estaos Xuníos na Soyuz y de rusos nel tresbordador y la collaboración de dambes naciones y otres más na construcción de la Estación Espacial Internacional (ISS).
La dómina del Tresbordador
editar_(19_April_2002).jpg)
El Tresbordador espacial convirtióse nel programa espacial favoritu de la NASA a finales de los años setenta y los años ochenta. Planiáronse tanto los dos cohetes llanzadores y el tresbordador como reutilizables, y construyéronse otros cuatro tresbordadores. El primeru en llanzase foi'l Columbia el 12 d'abril de 1981.
Pero los vuelos del tresbordador yeren muncho más costosos de lo qu'inicialmente taba proyeutao y, dempués que'l desastre del Tresbordador Espacial Challenger en 1986 resaltó los riesgos de los vuelos espaciales, el públicu recuperó l'interés perdíu nes misiones espaciales.
Sicasí, el tresbordador usóse pa poner n'órbita proyeutos de muncha importancia como'l Telescopiu Espacial Hubble (HST). El HST creóse con un presupuestu rellativamente pequeñu de 2.000 millones de dólares, pero continuó funcionando dende 1990 y maravilló a los científicos y al públicu. Dalgunes de les imáxenes foron llexendaries, como les imáxenes del denomináu Campu Profundu del Hubble. El HST ye un proyeutu conxuntu ente la ESA y la NASA, y el so ésitu ayudó na mayor collaboración ente les axencies.
En 1995 la cooperación ente Rusia y Estaos Xuníos llograríase de nueves cuando comenzaron les misiones d'acoplamientu ente'l Tresbordador y la estación espacial Mir, (nesi momentu la única estación espacial completa). Esta cooperación continúa a día de güei ente Rusia y Estaos Xuníos, los dos socios más importantes na construcción de la ISS. La fuercia de la so cooperación nesti proyeutu foi más evidente cuando la NASA empezó confiando nos vehículos de llanzamientu rusos pa caltener la ISS tres el desastre en 2003 del Columbia que caltendría en tierra la flota de los tresbordadores mentanto más d'un añu.
Costando más de cien mil millones de dólares, a vegaes foi abegoso pa la NASA xustificar el proyeutu ISS. La población d'Estaos Xuníos foi históricamente difícil d'impresionar colos detalles d'esperimentos científicos nel espaciu. Arriendes, nun podía acoyer a tantos científicos como se planeara, sobre too dende que'l tresbordador espacial taba fuera d'usu, hasta marzu de 2005, deteniendo la construcción de la ISS y llimitando la so tripulación a una de caltenimientu de dos persones.
Mentanto la mayoría de los años 1990 la NASA enfrentóse con una reducción de los presupuestos anuales por parte del Congresu. Pa responder a esti retu, el novenu alministrador de la NASA, Daniel S. Goldin, inventó misiones barates baxo la conseña: más rápidu, más buenu, más baratu que permitió a la NASA que retayara los costos mientres s'acometíen una enantada variedá de programes aerospaciales. Esi métodu criticóse abondo y llevó en 1999 a les perdes de les naves xemeles Climate Orbiter y Mars Polar Lander de la esploración de Marte.
Marte y más allá
editarProbablemente la misión con más ésitu ente'l públicu nos últimos años (1997) foi la de la sonda Mars Pathfinder. Los periódicos de tol mundu llevaron les imáxenes del robot Sojourner, desplazándose y esplorando la superficie de Marte. Dende 1997 la Mars Global Surveyor orbitó Marte con un ésitu científicu innegable. Dende 2001 el orbitador Mars Odyssey tuvo a la gueta d'evidencies d'agua nel planeta roxu, nel pasáu o nel presente, asina como pruebes d'actividá volcánico.
En 2004 una misión científicamente más ambiciosa llevó a dos robots, Spirit y Opportunity, a analizar les roques en busca d'agua, polo qu'aterrizaron en dos zones de Marte diametralmente opuestes y parez qu'atoparon vestixos d'un antiguu mar o llagu saláu.
El 14 de xineru de 2004, diez díes dempués del aterrizaxe de Spirit , el Presidente George W. Bush anunció'l futuru de la esploración espacial. La humanidá volverá a la Lluna en 2020 como pasu previu a un viaxe tripuláu a Marte.
El Tresbordador espacial retiraráse en 2010 y va trocase en 2014 pol Crew Exploration Vehicle, que ye a atracar na ISS y dexar la órbita de la Tierra. El futuru del ISS ye daqué inciertu, tres la esplosión del Columbia el 1 de febreru de 2003, y el patrón de los vuelos del Tresbordador. La construcción completaráse, pero'l futuru de les próximes misiones ye inciertu.
Alministradores de la NASA
editar- T. Keith Glennan (1958-1961)
- James E. Webb (1961-1968)
- Thomas O. Paine (1969-1970)
- James C. Fletcher (1971-1977)
- Robert A. Frosch (1977-1981)
- James M. Beggs (1981-1985)
- James C. Fletcher (1986-1989)
- Richard H. Truly (1989-1992)
- Daniel S. Goldin (1992-2001)
- Sean O'Keefe (2001-2005)
- Michael Griffin (2005–presente)
Instalaciones
editarLa NASA cuenta con 12 campos d'instalación:
- John F. Kennedy Space Center, Florida
- Ames Research Center, Moffett Field, California
- Hugh L. Dryden Flight Research Facility, Edwards, California
- Goddard Space Flight Center, Greenbelt, Maryland
- Jet Propulsion Laboratory, cerca de Los Angeles, California
- Lyndon B. Johnson Space Center, Houston, Texas
- Langley Research Center, Hampton, Virxinia
- Lewis Research Center, Cleveland, Ohio
- George C. Marshall Space Flight Center, Huntsville, Alabama
- Michoud Assembly Facility, Nueva Orleans, Louisiana
- John C. Stennis Space Center, Bahía de San Luis, Mississippi
- Wallops Flight Facility, Wallops Island, Virxinia
- Ad Astra Rocket (AARC), Costa Rica
La NASA n'España
editarLa MDSCC (Madrid Deep Space Communications Complex) de Robledo de Chavela ye la única instalación de la NASA n'España y forma parte de la Rede del Espaciu Profundu. La so primera antena colocóse en 1961 pal Programa Mariner. Esta Antena denomada DSS-61 utilízase anguaño nel Proyeutu educativu PARTNER. Al pocu tiempu instalóse nel municipiu cercanu de Fresnedillas de la Oliva otra antena (DSS-62, denomada "la Dino") pa les misiones Apollo, esta antena treslladóse dempués a Robledo de Chavela. La tercer antena, tamién asitiada nesta lolcalidá madrileña, foi la DSS-63, que nació con un diámetru de 64 metros, y llueu amplióse a 70 pa facer el siguimientu de les sondes Voyager cuando s'estendió la so misión más allá de Saturnu. Esisten otres antenes que tienen usos diversos.
Otres axencies espaciales
editar- Axencia Espacial Canadiense (Canadian Space Agency n'inglés y Agence Spatiale Canadienne en francés)
- Alministración Nacional del Espaciu China
- Axencia Espacial Europea
- Axencia Espacial Italiana (Agenzia Spaziale Italiana)
- Axencia India d'Investigación Espacial (Indian Space Research Organization, ISRO)
- Programa espacial soviéticu (históricu)
- Axencia Espacial Federal Rusa
- Institutu Nacional de Téunica Aeroespacial d'España
Ver tamién
editar- Red del Espacio Profundo
- Aeronáutica
- Ascensor espacial
- Astronauta
- Colonización espacial
- ESA
- Esploración espacial
- Tresbordador espacial
- Wernher von Braun (responsable de los cohetes)
- Robert Gilruth, Chris Kraft, Gene Kranz (direutores de vuelu)
Referencies
editarEnllaces esternos
editar
Wikimedia Commons acueye conteníu multimedia sobre NASA.
