Arkansas ye un estáu del sur de los Estaos Xuníos. Llenda col ríu Mississippi, y los estaos de Missouri, Tennessee, Luisiana, Texas y Mississippi. El so nome vien-y de la pallabra arcansas, plurar de la treslliteración d'akansa (el términu col que los indios algonkinos llamaben a los indios quapaw[1]), tal como la pronunciaben los franceses nel sieglu XVII. La so orografía ye perdiversa, con fasteres montañoses al norte (meseta d'Ozark) y oeste (montes Ouachita), zones de viesca trupo al sur (nomada Arkansas Timberlands) y llanaes, qu'arrodien el cursu del ríu Mississippi y formen la rexón conocida como delta d'Arkansas, al este.

Arkansas
White River National refuge.jpg
Flag of Arkansas.svg
Bandera de Arkansas (es) Traducir
y
Alministración
PaísBandera de Estaos Xuníos d'América Estaos Xuníos d'América
ISO 3166-2 US-AR
Capital Little Rock
Gobernador d'Arkansas Asa Hutchinson (AR, Ark.)
Llingües oficiales inglés
División
Xeografía
Coordenaes 34°48′N 92°12′O / 34.8°N 92.2°O / 34.8; -92.2Coordenaes: 34°48′N 92°12′O / 34.8°N 92.2°O / 34.8; -92.2
Arkansas in United States.svg
Superficie 137733 km²
Llenda con Tennessee, Missouri, Oklahoma, Texas, Louisiana y Mississippi
Puntu más altu Mount Magazine (en) Traducir
Puntu más baxu Río Ouachita (es) Traducir
Altitú media 198 m
Demografía
Población 2 978 204 hab. (2015)
Densidá 21,62 hab/km²
Más información
Estaya horaria UTC−06:00, Hora estándar del centro (es) Traducir y America/Chicago (es) Traducir
portal.arkansas.gov
Cambiar los datos en Wikidata

L'estáu tien una estensión de 137.733 km2, que faen d'elli el 29u mayor del país, y una población que, en 2018, supera los trés millones d'habitantes[2][3].La so capital, y ciudá principal, ye Little Rock. Ta asitiada na parte central del estáu y ye'l so centru de tresportes, negocios, cultura ya gobiernu. Otros centros económicos y educativos importantes del estáu son l'área metropolitana conocida como Northwest Arkansas (qu'inclúi les ciudaes de Fayetteville, Springdale, Rogers y Bentonville) y l'área metropolitana de Fort Smith, al oeste del estáu. La mayor ciudá de la fastera oriental del estáu ye Jonesboro, y la más importante de la so fastera meridional ye Pine Bluff.

El territoriu d'Arkansas, que formara parte de la Luisiana Francesa y, poro, fora incluyíu nel alcuerdu de venta de territorios conocíu como compra de Luisiana, convirtiose nel 25u estáu de la Xunión el 15 de xunu de 1836[4]. La mayoría de la rexón del delta taba ocupada por plantaciones d'algodón, que la so esplotación dependía del trabayu esclavu. En 1861 l'estáu separtose de la Xunión y xuntose a los Estaos Confederaos d'América, colos que lluchó na guerra civil. Al volver a la Xunión, en 1868, l'estáu siguió sofriendo penuries económiques, una y bones la so economía siguía siendo principalmente una economía agrícola basada nel sistema de plantaciones. El algodón siguió siendo la so principal producción nún momentu nel que los sos precios menguaron. Sicasí, los terratenientes y empresarios del estáu nun diversificaron la so producción agrícola nin invirtieron nel desarrollu industrial del territoriu, y de resultes foi perdiendo puxu económicu nel país. A finales del sieglu XIX, d'otra banda, foron aprobándose delles lleis pa marxinar y segregar a los afroamericanos. Na década de 1950, nel contestu del movimientu polos derechos civiles, Arkansas, y especialmente Little Rock, foron l'escenariu de grandes protestes pa consiguir la integración escolar de los alumnos afroamericanos.

Tres de la Segunda Guerra Mundial la economía del estáu entamó a diversificarse y esti entamó a prosperar. Na década de 1960 asentose nel estáu, concretamente na ciudá de Bentonville, la sede de Walmart, la mayor empresa de venta minorista del mundu. Nel sieglu XXI la so economía ye pervariada: hai industria ganadera (de carne de pitu), siderúrxica, aeronáutica y de servicios, pero tamién un sector agrícola centráu nel cultivu del algodón, la soya o l'arroz.

Enllaces esternosEditar

  Los 50 estaos d'Estaos Xuníos d'América  

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming


ReferenciesEditar

  1. «The Trail of the Quapaw». Arkansas Historical Quarterly 9 (3):  páxs. 206–7. Autumn 1950. doi:10.2307/40017228. 
  2. Jones, Daniel (1997) English Pronouncing Dictionary, 15th ed. Cambridge University Press. ISBN 0-521-45272-4.
  3. «Census Regions and Divisions of the United States». Geography Division, United States Census Bureau.
  4. «Arkansas Achieves Statehood». Arkansas Historical Quarterly 2 (4):  páxs. 292–308. December 1943. doi:10.2307/40018776.