Mandatu Británicu de Palestina
Esti artículu o seición necesita un ameyoramientu no que cinca a la redaición, la gramática o la ortografía. |
El Mandatu Británicu de Palestina foi una alministración territorial encomendada pola Sociedá de Naciones al Reinu Xuníu n'Oriente Mediu tres la Primer Guerra Mundial, col estatus de territoriu baxo mandatu. Formáu demientres la mayor parte de la so historia pol Estáu d'Israel y los Territorios Palestinos, magar que nún primer momentu incluyó tamién l'anguaño Xordania. Esti territoriu perteneció previamente al Imperiu Otomanu. Anque Gran Bretaña alministraba estos territorios de facto dende 1917, el Mandatu entró en vigor en 1922[1] y expiró en mayu de 1948.
| |||||
|---|---|---|---|---|---|
Mandato de la Sociedad de Naciones (es)  | |||||
 | |||||
| |||||
| Alministración | |||||
| Estáu desapaecíu |  Reinu Xuníu de Gran Bretaña ya Irlanda | ||||
| Capital | Xerusalén | ||||
| Forma de gobiernu |
Mandato de la Sociedad de Naciones (es) | ||||
| Llingües oficiales |
inglés hebréu árabe | ||||
| Xeografía | |||||
| Coordenaes | 31°47′N 35°13′E / 31.78°N 35.22°E | ||||
 | |||||
| Superficie | 26626 km² | ||||
| Llendaba con |
Emirato de Transjordania (es) | ||||
| Demografía | |||||
| Población | 1 764 520 hab. (1945) | ||||
| Densidá | 66,27 hab/km² | ||||
| Economía | |||||
| Moneda |
libra palestina (es) y llibra exipciana | ||||
 | |||||
.svg)
Establecimientu del Mandatu Británicu
editarL'afoguín británicu debióse a la medría de les empreses establecíes nes colonies britániques del sur d'Asia a entamos del sieglu XIX, asina como al posterior interés en caltener el frente rusu y estimular l'esfuerciu bélicu estauxunidense al tresuel del sofitu pola Primer Guerra Mundial.
Denantes de qu'afechare la Primer Guerra Mundial, la rexón de Palestina formaba parte del Imperiu Otomanu. Los británicos, baxo'l mandu del xeneral Allenby, derrotaron al exércitu turcu en 1917 y ocuparon Siria y Palestina. Esti territoriu foi alministráu polos británicos hasta que terminó la guerra. L'alministración militar británica finó cola inanición cola aída d'Exiptu, erradicó'l tifus y el cólera y meyoró el suministru d'agua a Xerusalén. Amás, reduxo la corrupción xubiendo los salarios de los xueces árabes y xudíos. Les comunicaciones tamién meyoraron gracies al tren y les llinies telegráfiques.
El Reinu Xuníu recibiera'l control de Palestina gracies al Tratáu de Sèvres, el cualu establecía la Sociedá de Naciones en 1920. Herbert Samuel, que participara na Declaración de Balfour, foi nomáu primer Altu Comisionáu de Palestina. Pola Primer Guerra Mundial, los británicos fixeren dos promeses sobro los sos territorios n'Oriente Mediu. En primer llugar, prometieron a los árabes de la zona, al traviés del so axente Lawrence d'Arabia, qu'obtendríen la independencia pa crear un gran Estáu árabe xuníu, qu'abarganaría tou Oriente Mediu. Pero los británicos tamién prometieren que se crearía un "Fogar Nacional Xudíu" en Palestina, tal como s'estableciera na Declaración de Balfour en 1917.
.jpg)
Los británicos aseguraren previamente a los Hachemites que-yos entruxaríen los más de los territorios de la zona n'agradecimientu pol so avíu demientres la Rebelión Árabe, asocedía na Primer Guerra Mundial. En 1920, na Conferencia de Sanremo (Italia), la Sociedá de Naciones asignó'l mandatu so Palestina al Reinu Xuníu. Esti territoriu incluyía lo que más sero sería l'Estáu d'Israel, la faza de Gaza, Cixordania, parte de los Altos del Golán y el Reinu de Xordania. Los más de los 750.000 habitantes d'esta rexón multiétnica yeren árabes de relixón musulmana (incluyendo una población beduina d'unos 100.000, según el censu de 1922 [1] y concentrada nel area de Beersheva y al sur y al este d'esta llocalidá), asina como xudíos (que yeren el 11% del total y yeren na so mayoría inmigrantes ashkenazis). Otros grupos minoritarios yeren los drusos, sirios, sudaneses, caucásicos, exipcios, griegos y árabes del Hiyaz.
En xunu de 1922, la Sociedá de Naciones cincó'l Mandatu Palestín. Yera un documentu nel que recordábase al Reinu Xuníu les sos responsabilidaes y obligaciones respeutu a l'alministración de Palestina, incluyendo "asegurar l'establecimientu dún fogar nacional xudíu", y "salvaguardar los derechos civiles y relixosos de tolos habitantes de Palestina".
El documentu qu'afitaba les obligaciones britániques yera una copia del testu de la Declaración de Balfour sobro l'establecimientu del fogar nacional xudíu:
El gobiernu de So Maxestá ve con bonos güeyos l'establecimientu en Palestina dún fogar pa los xudíos, y emplegará los sos meyores medios pa facilitar el consiguimientu d'esta causa. Dotramiente, debe quedar claro que nun debe facese res que perxudique los derechos civiles y relixosos de les comunidaes non xudíes esistentes en Palestina, o qu'amenorgue los derechos y l'estatus políticu del que gocien los xudíos en cualesquier otru país.
Munchos artículos del documentu especificaben aiciones pa sofitar la inmigración xudía y un estatus políticu especial. Sicasí, nel enantáu y ensuchu territoriu al este del ríu Xordán, rexón entóncenes denomada Trexordania, el Reinu Xuníu pretendía 'posponer o cancelar' l'aplicación de los artículos que trataben sobro'l 'fogar nacional xudíu', de xeitu que los árabes de la rexón caltuvieren íntegra una parte d'esi territoriu. Na Conferencia d'El Cairu de 1921, l'hachemita Abd Allah ibn Husayn, que fore desplazáu del gobiernu del Hiyaz (qu'entregárase a la familia de los Saud, xunto al restu d'Arabia), foi nomáu Emir de Trexordania. En setiembre de 1922, el gobiernu británicu presentó un memorándum a la Sociedá de Naciones nel qu'establecía que Trexordania sería excluyida de tolos alcuerdos referentes al Estáu xudíu, y esti memorándum aprobose'l 11 de setiembre. Partiendo d'esta premisa, el Reinu Xuníu alministraría la parte oeste del Xordán como Palestina y la parte este como Trexordania. Téunicamente continuaba siendo un sólo mandatu, pero los más de los documentos oficiales referíense a elli como si foren dos mandatos separtaos. Trexordania permaneció baxo mandatu británicu hasta 1946.
En 1923, el Reinu Xuníu tresfirió una parte de los Altos del Golán al Mandatu Francés de Siria, a cambéu de la rexón de Metula.
Oposición de los árabes palestinos a la inmigración xudía
editarNos años 20, 100.000 inmigrantes xudíos entraron en Palestina, asina como 6.000 non xudíos. La inmigración xudía taba controlada pola Histadrut, la cuala seleicionaba a los aspirantes en función del so credu políticu. La tierra mercada pola Axencia Xudía taba baxo la condición de que namái pudiera ser trabayada por xudíos.
Anicialmente, la inmigración xudía hacia Palestina malapenes alcontró oposición por parte de los árabes palestinos. Sicasí, pa caberos del sieglu XIX y entamos del XX, a midida que l'antisemitismu diba medrando n'Europa, la inmigración xudía aducía exponencialmente, de xeitu que la población árabe entamó a tarrecer.
El cabezaleru musulmán de Palestina encetó a los árabes pa que perpetraren ataques violentos escontra la población xudía. En dellos casos, l'adquisición de tierres a los terratenientes absentistes per parte de l'Axencia Xudía conduxo al despidu de los árabes palestinos, los cuales foron reemplazaos polos xudíos de los kibbutz. Los campesinos árabes, enantes de la Primer Guerra Mundial, nun poseyíen sos propies tierres, anque sí-yos pertenecíen los árboles que medraben en diches tierres. Cuando los xudíos, que conocieren siempre les lleis europees, mercaron les tierres, nun se decataron de que los habitantes de la rexón poseyíen los árboles. Esto foi siempre una fonte de malentendíos y conflictos. La olivar ye particularmente importante, ya que puede producir per más de milenta años.
El gobiernu británicu punxo llímites a la inmigración xudía. Estes cuotes foron mui polémiques, particularmente demientres los caberos años del mandatu británicu. Nin a los árabes nin a los xudíos-yos prestaba esta política por estremaes sides. En rempuesta a los numberosos atentaos árabes escontra les comunidaes xudíes, el 15 de xunu de 1920 creóse la Haganá. La tensión adució hasta desembocar n'ocasiones en violentos conflictos, sobremanera en 1921, 1929 y nel periodu 1936-1939. En 1936, dellos grupos xudíos como Irgun y Lehi llevaron a cabu les sos propies campañes violentes escontra oxetivos árabes y británicos.
La Gran Revuelta Árabe
editarEn 1937, la Comisión Peel propunxo una dixebra del territoriu ente zones árabes y xudíes, propuestu que refugóse por dambes partes.
Ente 1936 y 1939, la rexón experimentó una gran insurxencia por parte de los árabes nacionaliegos, que conocióse como la "Gran Revuelta Árabe". La pocella que prendió esti conflictu foi'l fuerte incrementu de la inmigración xudía, principalmente causada por aquellos que fuxíen del escorrimientu nazi n'Alemaña y la fola d'antisemitismu d'Europa del Este. La revuelta foi liderada pol Gran Muftí Amin al-Husayni y la so familia. Los árabes sentíen que taben siendo marxinaos na so propia rexón, y por ello, arriendes de protestes nun violentes, llevaron a cabu aiciones terroristes, asesinando a dellos xudíos. Los homes de Husayni mataron más árabes que xudíos, usando la revuelta como una sida pa enfrentase a los clanes rivales. La organización xudía Irgún contestó cola so propia campaña de represalia, escolingando bombes en mercaos y en otros llugares que causaron cientos de muertos. Finalmente, la revuelta foi esfarrapada polos británicos, usando midíes draconianes. Como Amin al-Husayi foi alcontráu culpable del asesinatu del comisionáu británicu pa Galilea, fuxó de la rexón, pasando per El Líbanu, Iraq y finalmente Alemaña en 1941.
El Reinu Xuníu punxo restriciones a l'adquisición xudía de les tierres que fincaben, violando asina la cláusula del Mandatu que diz "l'alministración de Palestina debe permitir y promocionar, en cooperación pa cola Axencia Xudía, l'asentamientu de los xudíos na rexón, incluyendo nes tierres del Estáu y les que nun se mercaren con fines públicos". Una restrición semeyante en 1931 sunpunxere una violación del mandatu concedíu pola Sociedá de Naciones, pero en 1939 esta organización yera yá papel moyáu. D'alcuerdu colos israelíes, en 1939 los británicos concedieren 34 km² a los árabes y namái 16 km² a los xudíos.
La Segunda Guerra Mundial y l'Holocausto nazi
editarAl igual que na mayoría del mundiu árabe, nun hebo unaminidá ente los árabes palestinos respeutu a la so posición na Segunda Guerra Mundial. Dellos sofitaron al exércitu británicu, pero los más vieron nes potencies del Exe una mayor garantía pa que se-yos tornare lo que consideraben les sos tierres, que taben en manes de los británicos y los xudíos. Dellos cabezaleros árabes foron más alló, especialmente cuando'l Gran Muftí de Xerusalén, Amin al-Husayni (qu'entóncenes fuxera a Iraq), declaró formalmente la yihad el 25 de payares de 1941 escontra los Aliaos y sofitó a Alemaña. Aportó a establecese per un tiempu en Yugoslavia, ocupada daquella polos nazis, reclutando musulmanes bosnios y albano-kosovares pa les SS como voluntarios. Unos 20.000 musulmanes bosnios sirvieron en la 13º División Montesina de les SS "Handzhar" y dellos miles na 23º División Montesina "Kama". Na posguerra, Husseini foi acusáu de ser aliáu d'Adolf Eichmann y del arquiteutu de "la solución final", Otto Wisliceny. Amin al-Husayni foi encarceláu tres la guerra y tuvo a piques de ser procesáu nos Xuicios de Nuremberg por criminal de guerra, pero fuxó gracies a l'aida de los collaboracionistes franceses.
Magar que pa la ideoloxía nacionalsocialista la "raza" árabe yera sólo un poco cimera a la xudía, los nazis recabaron tol sofitu posible por parte de los árabes pa debilitar y destruyir la hexemonía británica nel mundiu árabe.
Ente los árabes que s'opunxeron a la escorribanda de los xudíos destacaron dellos como Habib Burguiba de Túnez, ya inteleutuales exipcios como Tawfiq al-Hakim y Abbas Mahmud al-Arkad. El Mandatu reclutó soldaos en palestina. Unos 6.000 árabes palestinos xuniéronse a les fuercies britániques, amás de 26.000 xudíos; si bien la población d'árabes yera mayor, la cruzada escontra l'antisemitismu atraxo una mayoría xudía de soldaos.
Pesie les severes restriciones britániques no tocante a la inmigración xudía, desplicaes nel Llibru Blancu de 1939, y en vistes dún meyor tratu de futuru, los más de los xudíos palestinos collaboraron col Reinu Xuníu na so llucha escontra l'Alemaña Nazi, y les sos tres milicies principales (el Haganá, el Palmaj y el Irgún) xuniéronse al esfuerciu bélicu británicu pa lluchar escontra les potencies del Exe n'Europa y el Norte d'África. Dempués, los altos mandos de les fuercies armaes britániques, cola cooperación de l'Axencia Xudía, aceutaron crear dientro del so exércitu una xunidá militar exclusivamente xudía que sirviera baxo bandera británica, la Brigada Xudía, que foi unviada a Europa a entamos de 1944.
Na Segunda Guerra Mundial, Italia, qu'en 1940 declarara la guerra al Reinu Xuníu al llau d'Alemaña, llanció dellos ataques aerios escontra Palestina. En 1942 hebo una estada de nerviosidá por mor de que les fuercies del xeneral Erwin Rommel, el Afrika Korps, avanzaben hacia l'este pel norte d'África hacia la Canal de Suez y temíase que pudieren invadir Palestina.
L'asesinatu de seis millones de xudíos europeos per parte de los nazis tuvo una gran repercusión nel allugamientu de Palestina. Demientres la guerra, los británicos prohibieron la entrada de los xudíos en Palestina, dexándolos en campos de detención o deportándolos a llugares como Mauriciu. Abraham Stern, cabezaleru del grupu armáu xudíu Lehi, xunto con otros sionistes del mesmu grupu, intentaron ensin éxitu convencer a los nazis de que la inmigración a Palestina podría ser una "solución" pal "problema xudíu". El criminal de guerra nazi Adolf Eichmann visitó Palestina en 1937 y concluyó, posiblemente tres les sos charres con Husayni, que permitir la inmigración xudía a Palestina nun entraba dientro de la política nazi.
En 1939 los activistes sionistes organizaron un intentu d'inmigración illegal, conocíu como Aliyá Beth, dirixíu por "Hamossad Le'aliyah Bet", que rescató decenas de miles de xudíos de la escorribanda nazi tresportándolos pel mar. Munches d'estes embarcaciones foron interceptaes y otres afondiaes, provocando grandes pérdigues humanes. La última embarcación con inmigrantes qu'intentó entrar en Palestina demientres la guerra foi'l barcu Struma, que resultó torpediada nel Mar Negru por un submarín soviéticu en febreru de 1942, gracies a los pautos de collaboración anglo-soviéticos. El barcu foi afondiáu y n'elli morrieron los sos 800 pasaxeros. La inmigración illegal resurdió tres la Segunda Guerra Mundial.
Dixebra de Palestina por parte de Naciones Xuníes
editarPoblación del Mandatu Británico de Palestina
editar| Añu | Total | Musulmanes | Xudíos | Cristianos | Otros |
|---|---|---|---|---|---|
| 1922 | 649.048 | 486.177 (75%) | 83.790 (13%) | 71.464 (11%) | 7.617 (1%) |
| 1931 | 1.036.339 | 761.922 (74%) | 175.138 (17%) | 89.134 (9%) | 10.145 (1%) |
| 1945 | 1.764.520 | 1.061.270 (60%) | 553.600 (31%) | 135.550 (8%) | 14.100 (1%) |
Altos comisionaos británicos de Palestina
editar| Nome | Mandatu |
|---|---|
| Sir Herbert Samuel | 1920–1925 |
| Herbert Onslow Plumer | 1925–1928 |
| Sir Harry Charles Luke (en funciones) | 1928 |
| Sir John Chancellor | 1928–1931 |
| Arthur Grenfell Wauchope | 1931–1938 |
| Sir Harold MacMichael | 1938–1944 |
| John Vereker, 6ᵘ Vizconde de Gort | 1944–1945 |
| Sir Alan Cunningham | 1945–1948 |
Ver tamién
editarReferencies
editarEnllaces esternos
editar- Mitos y realidaes del Mandatu Británicu Archiváu 2005-12-17 en Wayback Machine
- Mapa de la distribución étnica en 1946 Archiváu 2010-12-06 en Wayback Machine
Bold text
Datos: Q193714
Multimedia: British Mandate of Palestine
