Fernando Alonso
Fernando Alonso, El Nanu (29 de xunetu de 1981, Uviéu) ye un pilotu de carreres asturianu, campeón del mundu de Fórmula 1 en 2005 y 2006.
Fíu de José Luis Alonso y Ana Díaz, estudió nel colexu Santu Ánxel de la Guarda dende los cuatro años hasta los catorce (1985-1995), onde cursó primaria y EXB, pasando al Institutu Leopoldo Alas Clarín de San Lázaro hasta l'añu 2000, cuando dexó los estudios ensin finar el COU.
Foi'l pilotu más xoven n'algamar la pole position, con 21 años, 7 meses y 22 díes (Gran Premiu de Malasia) y el primer pilotu español en subir al podiu. Tamién ye'l pilotu que más xoven ganó un Gran Premiu (Hungría 2003) con 22 años y 26 díes y el más xoven en ganar el mundial (2005). En 2006 algamó un nuevu récor al convertise nel pilotu más mozu en ganar dos mundiales.
Entamos en Karts
editarFernando Alonso entamó la so carrera nel mundu del motor con tres años, viendo al so ídolu de la neñez Ayrton Senna, cuando so pá-y regaló un kart qu'él mesmu-y construyera. Esi añu ganó la so primer carrera ya entamó con amenugamientos depués de la salida del colexu xunto con so pá, que fizo les vegaes de manager y mecánicu. Un añu más sero algamó la llicencia oficial de la Real Federación Española de Automovilismo.
En 1988, con 7 años, algamó'l so primer trunfu nuna competición oficial, el Campeonatu Infantil del Principáu d'Asturies, ganando dafechu les ocho carreres qu'ensamaben la prueba. Un añu dempués, en 1989 tornó a proclamase campeón de karts d'Asturies y Galicia.
Darréu de los cambeos de categoría, la familia nun podía sofitar el gastu qu'apareyaben les carreres. Llendando col abandonu, l'importador de karts Genís Marcó fízose cargu de la financiación: apurría los karts, guetaba patrocinadores o exercía él mesmu de tal, curiando la carrera deportiva d'Alonso.
En 1991, proclámase campeón d'Asturies y del País Vascu na categoría Cadetes, algamando el Socampeonatu d'España entá ensin participar en toles carreres. Foi campeón d'España en 1993 y 1994 como júnior, lo que-y dexó competir nel Campeonatu del Mundu al añu siguiente, becáu pola "Real Federación Española de Automovilismo". Nesti campeonatu, quedó terceru per delantre de Kimi Räikkönen ente otros.
En 1996 proclamóse Campeón d'España, del Troféu Estival d'Italia, del Marlboro Grand Prix y del Campeonatu del Mundu Júnior. Al añu siguiente, vence nos campeonatos d'España, Italia y Europa na categoría Internacional A. En 1998 torna a ganar el Campeonatu d'España, el Troféu París-Bercy, el Campeonatu Industria d'Italia y l'Open Ford.
Pasos haza la Fórmula 1
editarEn 1999 entró en xuegu l'ex-pilotu de Minardi Adrián Campos, que convertiríase nel so mánager[3]. Fíchalu como sustitutu de Marc Gené na Fórmula Nissan, na qu'Alonso algama 9 poles, 8 vueltes rápides y 6 victories qu'a la fin, diéron-y el campeonatu Euro Open Movistar.
De la Fórmula Nissan coló a la Fórmula 3000 nel equipu Astromega, au s'axuntó con pilotos de gran categoría quedando namái per darrera de Bruno Junqueira, ganador de la edición, Nicolas Minassian y Mark Webber. Alonso algamó la pole y ganó na carrera de Bélxica y quedó segundu na d'Hungría, quedando cuartu na clasificación xeneral nel añu del so debút y l'únicu nel que tuvo.
Fórmula 1
editarDe siguío coló a la Fórmula 1 ficháu por Renault pero cedíu a Minardi como pilotu oficial. Con Minardi debutó nel Gran Premiu d'Australia de 2001, siendo el tercer pilotu más xoven en facelo. La so meyor clasificación con Minardi foi un 10ᵘ puestu nel Gran Premiu d'Alemaña. Nel Gran Premiu de Xapón aportó a trespasar al Toyota d'Olivier Panis y quedar per delantre del Jordan-Honda de Heinz-Harald Frentzen.
Nel añu 2002, finó la so cesión a Minardi y foi recuperáu por Flavio Briatore como pilotu prebador de Renault[4]. Al añu siguiente, convirtióse en pilotu oficial del equipu[5] n'arróu de Jenson Button, que fichó por BAR.
El 22 de marzu de 2003 convirtióse nel pilotu más xoven n'algamar una pole position y un podiu en Fórmula 1, con 21 años, nel Gran Premiu de Malasia. El 24 d'agostu del mesmu añu, nel Gran Premiu d'Hungría, llogró ser el pilotu más xoven en ganar un gran premiu, con 22 años. Estos llogros de mocedá ya-y los quitó Sebastian Vettel.
La temporada 2004 de Fórmula 1 entamó enforma bona pal pilotu asturianu darréu que finó terceru la primer carrera en Melbourne. Metanes la temporada, Alonso llogró una pole y un segundu llugar en Magny Cours. Poco más sero, algamó otros dos podios encontaos n'Alemaña, 2004 (Hockenheim) y Hungría, 2004. Nun amestó nenguna victoria aquella temporada.
_qualifying_at_USGP_2005.jpg)
El 20 de marzu de 2005, nel GP de Malasia, Fernando Alonso consiguió la so segunda victoria y arriendes convirtióse nel primer pilotu español n'aportar a liderar el mundial de pilotos. Alonso llogró vencer tamién nes dos carreres siguientes y otres cuatros más, cuntando siete trunfos no cabero la temporada, incluyendo l'últimu gran premiu de la mesma.
El 25 de setiembre de 2005, tres la llucha del GP de Brasil, fizo historia al convertise nel primer español y el pilotu más xoven, con 24 años, en coronase Campeón Mundial de Fórmula 1 , honor qu'hasta entós caltenía Emerson Fittipaldi. Arriendes, na mesma temporada llogró'l campeonatu de constructores xunto a Giancarlo Fisichella, pa l'equipu Renault.
El trunfu algamáu nel GP de China sirvió-y pa igualar el númberu de victories de Kimi Räikkönen, segundu nel mundial de pilotos, lo que sería tamién la so victoria col sistema de puntuación anterior[6].
El 6 de setiembre de 2005 recibió el Premiu Príncipe d'Asturies de los Deportes al fallar el xuráu que: "foi quien a aportar a la cume de la so especialidá deportiva tres años d'abondos sacrificios y renuncies col únicu sofitu de la so familia nos entamos de la so carrera, y ye güei un exemplu pa la mocedá española y mundial. La so trayeutoria ye'l frutu del so firme enfotu pol trunfu". El premiu entregose-y el 21 d'ochobre.
El 19 d'avientu del 2005 anuncióse que'l pilotu dexaría la escuadra gala pa correr colos colores de Mercedes-McLaren; el so nuevu equipu a partir de 2007. El 21 de xunu de 2006 diéron-y el títulu de Fíu Predileutu de la Ciudá d'Uviéu.
La temporada 2006 entamó como finó l'anterior, con una victoria d'Alonso, nel Gran Premiu de Bahrain. Nesta carrera, Fernando Alonso y Michael Schumacher caltuvieron un pulsu mano a mano demientres les caberes vueltes del Gran Premiu, del que salió victoriosu l'asturianu.
Nel Gran Premiu de Malasia, finó na segunda posición tres del so compañeru d'equipu Giancarlo Fisichella, lo qu'afitaba'l bon entamu del mundial pa él y pal equipu Renault F1 Team
Nel Gran Premiu d'Australia, tornó a ganar la carrera. El so oponente, foi Kimi Räikkönen, que finó en segundu llugar. Dempués de trés grandes premios disputaos, Alonso tenía una bona ventaxa al frente del mundial, con 14 puntos de ventaxa sobro'l so compañeru d'equipu, l'italianu Giancarlo Fisichella. Quedó segundu nes dos siguientes cites del mundial, per darrera del alemán Michael Schumacher.
Nel Gran Premiu d'España algamó una nueva victoria énte más de 131.200 aficionaos qu'asistieren a la carrera. Alonso convertiríase asina nel primer español en ganar el Gran Premiu d'España dende qu'esta ye prueba del calendariu del Mundial. El 28 de mayu, llogró la victoria nel Gran Premiu de Mónacu, convirtiéndose nel primer español n'algamalo.
Tres d'una nueva victoria nel Gran Premiu del Reinu Xuníu, la ventaya na clasificación del mundial yera de 23 puntos sobro'l segundu. Nesta carrera algamó per primer vegada'l triplete (pole, vuelta rápida y victoria). Yera'l meyor arranque nun mundial d'un pilotu, sumando 74 de 80 puntos dables.
Dos selmanes dempués, venció nel Gran Premiu de Canadá, au enxamás enantes lo algamara. Una vegada más, Schumacher y Raikkonen acompañárenlu nel podiu. Con esta victoria, la so ventaya medraba hasta 25 puntos y Alonso totalizaba 84 puntos de los 90 puestos en xuegu. Arriendes, algamaba'l so 15ᵘ podiu consecutivu, namái a 4 del récor de Michael Schumacher. Tamién llograba la 5ª pole encontada.
Nel Gran Premiu d'Estaos Xuníos, Alonso quedóse per primer vegada nesa temporada fuera del podiu, al finar 5ᵘ . Nel siguiente Gran Premiu, disputáu en Francia, tornaba al caxón al finar 2ᵘ per darrera de Michael Schumacher. Na siguiente carrera, el Gran Premiu d'Alemaña de 2006, obtuvo un 5ᵘ puestu, nuna carrera que ganó de nuevu Michael Schumacher, amenorgando la desventaya con respeutu al asturianu en 11 puntos. Nel Gran Premiu d'Hungría Alonso foi sancionáu poles sos aiciones na sesión d'entrenos llibres, calificaes pola FIA como "innecesaries, inaceutables y peligroses"[7]. Demientres la carrera, y tres d'una remontada dende la decimoquinta posición, na tercera vuelta yera ya terceru trespasando a Michael Schumacher, pero una tuerca mal apertada nel neumáticu drechu traseru prevocó una salida de la pista chocando'l so monoplaza escontra les proteiciones. Vueltes dempués, Michael Schumacher dao la degradación de les sos gomes y un problema na suspensión, tuvo de retirase a falta de 3 vueltes pal final. Entá asina, Michael Schumacher acabó octavu recortando namái un puntu a Fernando Alonso.
Nel GP de Turquía, Massa y Schumacher escapáronse nun entamu, y Fernando Alonso caltuvo la 3ᵉʳ posición, hasta que tuvo que salir el coche de seguridá, y entós los Ferrari y Fernando Alonso entraron a boxes. Michael Schumacher tuvo qu'esperar a que s'atendiera primero a Felipe Massa, y esi fechu aprovechólu Fernando Alonso pa ponese 2ᵘ . Nes caberes 15 vueltes, volvió a vivise un duelu Alonso-Schumacher pero al final salió victoriosu l'asturianu. L'actual Campeón del Mundu enantó asina la so ventaya en 2 puntos, quedando ésta en 12 puntos a falta de 4 carreres. Tres la so retirada nel Gran Premiu d'Italia, nel que Schumacher llogró la primer posición, la ventaya embrivió a 2 puntos. Alonso foi sancionáu na sesión de clasificación d'esti Gran Premiu por encomodar a Felipe Massa. Tres la sanción, el pilotu asturianu declaró que ya nun consideraba a la Fórmula Uno un deporte[8].
Nel Gran Premiu de China, Fernando llogró la pole. Ya na metá de la carrera, perdió tiempu por dos errores nel pit. Caberamente, tres facer delles vueltes rápides, acabó darrera de Michael Schumacher qu'acabó primeru. El mundial taba empatáu a 116 puntos con ventaya por victories pa Michael Schumacher.
Nel Gran Premiu de Xapón sal dende'l 5ᵘ puestu y llogra trespasar a Jarno Trulli, Ralf Schumacher y, nun respostaxe, a Felipe Massa. El mundial da un xiru ablucante tres la frañedura de motor del so rival pol títulu, Michael Schumacher. Alonso llogra recuperar el lideralgu del mundial, necesitando namái un puntu o que Michael nun gane la cabera prueba de la temporada pa ser campeón del mundu por 2ª vegada consecutiva.
Nel Gran Premiu de Brasil Fernando Alonso proclamóse Campeón del Mundu por segunda vegada[9] tres acabar segundu la carrera ganada pol brasilanu Felipe Massa au Michael Schumacher dicía alón a la so carrera como pilotu de Fórmula 1.
El MP4/22, nuevu coche d'Alonso, presentóse'l día 15 de xineru na Ciudá de les Artes y de les Ciencies de Valencia, con una gran puesta n'escena.
- El 18 de marzu algama un segundu puestu nel GP de Australia nel so debut en McLaren-Mercedes, per darrera del finés Kimi Räikkönen y au'l so collaciu d'equipu, el debutante na categoría Lewis Hamilton, acabó terceru.
- El 8 d'abril, na segunda carrera con McLaren-Mercedes, llogra la so primer victoria nel Gran Premiu de Malasia de 2007, el so compañeru d'escudería Lewis Hamilton finó en 2ª posición y Kimi Räikkönen na 3ª. McLaren llogró, d'esta miente, el so primer doblete dende Brasil '05.
- El 15 d'abril, nel Gran Premiu de Baḥréin de 2007, algama 4 puntos más pal campeonatu de pilotos quedando 5ᵘ , tres d'una abegosa carrera, fechu que lu dexó fuera d'un lideralgu en solitariu y non compartíu, darreú que polos resultaos de la carrera, tres de les primeres plazes del campeonatu de pilotos igualaben a 22 puntos a Fernando Alonso, Kimi Räikkönen y el segundu de McLaren-Mercedes, Lewis Hamilton qu'algamó'l meyor entamu d'un novalín, magar que faciendo unos polémicos cambeos de trayeutoria na reuta de salida al so compañeru d'equipu.
- Na ronda de clasificación de Montmeló, nel Gran Premiu d'España de 2007, Massa quedó primeru, Alonso segundu, Kimi quedó terceru y Hamilton cuartu. Pero na carrera, l'asturianu intentó trespasar al brasilanu Felipe Massa na salida chocando y quedando relegáu a la cuarta plaza. Kimi Räikkönen dexó la prueba cediendo un puestu a Alonso, que quedaría 3ᵘ tres del so compañeru d'equipu, Hamilton (2ᵘ), que se proclamó líder del mundial y el más xoven hasta'l momentu. Massa ganó la carrera.
- El 27 de mayu, Alonso, nel Gran Premiu de Mónacu queda primeru, y el so compañeru d'equipu, Hamilton 2ᵘ , y Felipe Massa, 3ᵘ. Foi nesta carrera cuando Fernando llogró más ventaya respeutu a los sos rivales, siendo Lewis Hamilton y Felipe Massa los únicos dos pilotos a los que nun dubló. Lewis Hamilton llevanta l'hachu de guerra al afitar que les órdenes d'equipu torgaron el so trunfu.
- Nel Gran Premiu de Canadá de 2007 quedó 7ᵘ tres d'una accidentada carrera, na que salieron cuatro coches de seguranza (safety car), y nel primeru d'ellos coincidió cola so parada en boxes, polo que foi penalizáu con 10 segundos de stop & go pola mor de la nueva normativa. Tres la penalización tuvo de remontar posiciones. Nesta carrera, Alonso perdió el lideralgu en favor de Lewis Hamilton que quedó a 8 puntos del asturianu.
- Nel Gran Premiu de los Estaos Xuníos de 2007 n'Indianapolis, Hamilton siéntese líder cómodu y evita'l so adelantamientu delles vegaes énte los arrebexos del asturianu. L'asturianu acaba la prueba 2ᵘ, tres d'Hamilton que ganó la prueba.
- La suerte paez nun tar al delláu d'Alonso nel Gran Premiu de Francia de 2007 en Magny Cours, nes clasificaciones al asturianu fráñese-y la caxa de cambeos y queda relegáu a la décima posición na salida. Finalizó la prueba en 7ᵘ llugar.
- Nel Gran Premiu del Reinu Xuníu de 2007 en Silverstone, Venció Kimi Räikkönen, per delantre de Fernando Alonso y Lewis Hamilton. Esti últimu salió dende la pole position, pero con una carga de carburante enforma escasa que-y fizo perder el lideralgu de la carrera na entrada a boxes no cabero de la vuelta 15. Más alantre entraríen Räikkönen y Alonso, que s'impondría al finlandés nel primer repostaxe, con Hamilton a gran distancia de dambos. Seique, la prematura segunda parada del español fadría-y perder la primer posición en favor de Räikkönen, que paró seis vueltes dempués. Asina, Kimi aportó'l primeru a meta.
- El 22 de xunetu, nel Gran Premiu d'Europa de 2007, llogró una nueva victoria, tres caltener un duelu sobro la lluvia nes caberes vueltes con Felipe Massa (col qu'inclusu llegó a tocase al adelantalu). Nesta mesma carrera Räikkönen y Hamilton nun llograben puntuar, el primeru por abandonu y el segundu pola so 9ª posición final. El líder del mundial continuaba siendo Lewis Hamilton magar que la so ventaya de 12 puntos viose amenorgada a 2 por parte d'Alonso.
- Nel Gran Premiu d'Hungría de 2007, Alonso finaliza en 4ᵘ puestu dempués de la polémica col pilotu británicu y la sanción de la FIA al asturianu, que lu facía salir 5 puestos más atrás, pese a algamar la pole position na clasificación del sábadu.
- [ Ver artículu principal:Gran Premiu d'Hungría de 2007 ]
- El 26 d'agostu, nel Gran Premiu de Turquía los BMW adelantaren al asturianu na salida, darréu del so escasu pesu y los sos neumáticos, y ficiéron-y perder munchu tiempu hasta que foi quien a adelantalos en boxes. La carrera lideráronla los Ferrari, siguíos de Hamilton que tuvo un reventón na rueda delantrera drecha, que lu fizo cayer a la 5ª posición, perdiendo 2 puntos respeutu al asturianu, que quedó a 5 del líder, na segunda posición de la tabla.
- El 9 de setiembre nel Gran Premiu d'Italia algamó la Pole y ganó la carrera. El so máximu rival nesi momentu, quedó segundu, y Alonso acurtiaba d'esta miente, la so diferencia col líder a 3 puntos.
- Tres del Gran Premiu d'Italia, nel que quedó terceru, siguíu de Hamilton, Alonso con abondos problemes na so escudería y el so xefe d'equipu, salía nel Gran Premiu de Xapón, dende la segunda posición tres del so compañeru Hamilton, nuna carrera allanciada tres del Safety Car dempués de 19 vueltes. Tuvo un choque con Vettel que-y dexó abondos desperfeutos nel so coche, desperfeutos qu'ocasionaren la salida de pista y l'accidente que lu angarilló a abandonar la carrera. D'esta miente, el máximu rival d'Alonso, abría un güecu de 12 ptos.
- Nel Gran Premiu de China (7 d'ochobre), les rellaciones col equipu tan dafechu frañíes. Con too a la escontra, l'asturianu recupera 8 ptos, per aciu del abandonu d'Hamilton, que quedó a les puertes de los boxes na gravilla, darréu de los daños na so rueda trasera esquierda. Alonso foi segundu, tres de Kimi. Los resultaos déxenlu a 4 ptos del líder, cola cabera carrera, Brasil, pa intentar algamar el so tercer títulu de campeón.
- Nel Gran Premiu de Brasil de 2007, Alonso parte con desventaxa darréu que'l so motor ye'l que llevare en China, mientres que'l líder estrena nueva evolución. Na etapa clasificatoria, tien serios problemes que lu alluguen na 4ª posición na parriella. Na carrera, Alonso xuega el tou pol too na primer curva adelantando a Hamilton. Ésti intenta recuperar la plaza pero salse de la pista dañando los sos hidráulicos, fechu que lu fai perder puestos (hasta'l 18ᵘ. Ferrari, con Massa (1ᵘ)y Raikönnen (2ᵘ) tiren y llogren descolingase del restu pilotos. Esti resultáu allugaba a Alonso virtual campeón del Mundu, pero na segunda parada en boxes, Räikkönen adelanta a Massa, fechu que-y quita el Campeonatu al asturianu, en favor del finlandés. Alonso entra 3ᵘ, na llinia de meta, per delante del so compañeru d'equipu que foi 7ᵘ; y empata a puntos nel subcampeonatu del Mundu. La falta de sofitu del equipu respeutu a Alonso, y les males rellaciones, pasen factura al equipu que queda ensin Campeonatu de Constructores y Pilotos.
Resultaos en Fórmula 1
editarResume de carreres
editar| Temporada | Categoría | Equipu | Carreres | Victories | Poles | VR | Podios | Puntos | Pos. |
|---|---|---|---|---|---|---|---|---|---|
| 1999 | Euro Open by Nissan | Campos Motorsport | 15 | 6 | 6 | 5 | 8 | 164 | 1ᵘ |
| 2000 | Fórmula 3000 Internacional | Team Astromega | 9 | 1 | 1 | 2 | 2 | 17 | 4ᵘ |
| 2001 | Fórmula 1 | European Minardi F1 Team | 17 | 0 | 0 | 0 | 0 | 0 | 23ᵘ |
| 2002 | Fórmula 1 | Mild Seven Renault F1 Team | Pilotu de pruebes | ||||||
| 2003 | Fórmula 1 | 16 | 1 | 2 | 1 | 4 | 55 | 6ᵘ | |
| 2004 | Fórmula 1 | 18 | 0 | 1 | 0 | 4 | 59 | 4ᵘ | |
| 2005 | Fórmula 1 | 19 | 7 | 6 | 2 | 15 | 133 | 1ᵘ | |
| 2006 | Fórmula 1 | 18 | 7 | 6 | 5 | 14 | 134 | 1ᵘ | |
| 2007 | Fórmula 1 | Vodafone McLaren Mercedes | 17 | 4 | 2 | 3 | 12 | 109 | 3ᵘ |
| 2008 | Fórmula 1 | ING Renault F1 Team | 18 | 2 | 0 | 0 | 3 | 61 | 5ᵘ |
| 2009 | Fórmula 1 | 17 | 0 | 1 | 2 | 1 | 26 | 9ᵘ | |
| 2010 | Fórmula 1 | Scuderia Ferrari Marlboro | 19 | 5 | 2 | 5 | 10 | 252 | 2ᵘ |
| 2011 | Fórmula 1 | Scuderia Ferrari | 19 | 1 | 0 | 1 | 10 | 257 | 4ᵘ |
| 2012 | Fórmula 1 | 20 | 3 | 2 | 0 | 13 | 278 | 2ᵘ | |
| 2013 | Fórmula 1 | 19 | 2 | 0 | 2 | 9 | 242 | 2ᵘ | |
| 2014 | Fórmula 1 | 19 | 0 | 0 | 0 | 2 | 161 | 6ᵘ | |
| 2015 | Fórmula 1 | McLaren Honda | 18 | 0 | 0 | 0 | 0 | 11 | 17ᵘ |
| 2016 | Fórmula 1 | 20 | 0 | 0 | 1 | 0 | 54 | 10ᵘ | |
| 2017 | Fórmula 1 | 19 | 0 | 0 | 1 | 0 | 17 | 15ᵘ | |
| IndyCar Series | McLaren-Honda-Andretti | 1 | 0 | 0 | 0 | 0 | 47 | 29ᵘ | |
| Indianapolis 500 | 1 | 0 | 0 | 0 | 0 | N/A | 24ᵘ | ||
| 2018 | Fórmula 1 | McLaren F1 Team | 21 | 0 | 0 | 0 | 0 | 50 | 11ᵘ |
| 24 Horas de Le Mans | Toyota Gazoo Racing | 1 | 1 | 1 | 0 | 1 | N/A | 1ᵘ | |
| WeatherTech SportsCar Championship | United Autosports | 1 | 0 | 0 | 0 | 0 | 18 | 58ᵘ | |
| 24 Horas de Daytona | 1 | 0 | 0 | 0 | 0 | N/A | 13ᵘ | ||
| 2018-19 | Campeonatu Mundial de Resistencia de la FIA | Toyota Gazoo Racing | Disputándose | ||||||
| 2019 | WeatherTech SportsCar Championship | Konica Minolta Cadillac | 1 | 1 | 0 | 0 | 1 | 35 | 1ᵘ |
| 24 Horas de Daytona | 1 | 1 | 0 | 0 | 1 | N/A | 1ᵘ | ||
Fórmula 1
editar(Clave) (negrina indica pole position) (cursiva indica vuelta rápida)
121212
| Añu | Escudería | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | Pos. | Puntos |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 2001 | European Minardi F1 Team | AUS 12 |
MYS 13 |
BRA Ret |
SMR Ret |
ESP 13 |
AUT Ret |
MON Ret |
CAN Ret |
EUR 14 |
FRA 17≠ |
GBR 16 |
GER 10 |
HUN Ret |
BEL Ret |
ITA 13 |
USA Ret |
JPN 11 |
23ᵘ | 0 | ||||
| 2003 | Mild Seven Renault F1 Team | AUS 7 |
MYS3 | BRA 3 |
SMR 6 |
ESP 2 |
AUT Ret |
MON 5 |
CAN4 | EUR 4 |
FRA Ret |
GBR Ret |
GER 4 |
HUN1 | ITA 8 |
USA Ret |
JPN Ret |
6ᵘ | 55 | |||||
| 2004 | Mild Seven Renault F1 Team | AUS 3 |
MYS 7 |
BHR 6 |
SMR 4 |
ESP 4 |
MON Ret |
EUR 5 |
CAN Ret |
USA Ret |
FRA2 | GBR 10 |
GER 3 |
HUN 3 |
BEL Ret |
ITA Ret |
CHN 4 |
JPN 5 |
BRA 4 |
4ᵘ | 59 | |||
| 2005 | Mild Seven Renault F1 Team | AUS3 | MYS1 | BHR1 | SMR 1 |
ESP 2 |
MON 4 |
EUR1 | CAN Ret |
USA DNS |
FRA1 | GBR2 | GER 1 |
HUN 11 |
TUR 2 |
ITA 2 |
BEL 2 |
BRA3 | JPN 3 |
CHN1 | 1ᵘ | 133 | ||
| 2006 | Mild Seven Renault F1 Team | BHR 1 |
MYS2 | AUS 1 |
SMR2 | EUR2 | ESP1 | MON1 | GBR1 | CAN1 | USA 5 |
FRA 2 |
GER 5 |
HUN Ret |
TUR 2 |
ITA Ret |
CHN2 | JPN1 | BRA 2 |
1ᵘ | 134 | |||
| 2007 | Vodafone McLaren Mercedes | AUS 2 |
MYS 1 |
BHR 5 |
ESP 3 |
MON1 | CAN7 | USA 2 |
FRA 7 |
GBR 2 |
EUR 1 |
HUN 4 |
TUR 3 |
ITA1 | BEL 3 |
JPN Ret |
CHN 2 |
BRA 3 |
3ᵘ | 109 | ||||
| 2008 | ING Renault F1 Team | AUS 4 |
MYS 8 |
BHR 10 |
ESP Ret |
TUR 6 |
MON 10 |
CAN Ret |
FRA 8 |
GBR 6 |
GER 11 |
HUN 4 |
EUR Ret |
BEL 4 |
ITA 4 |
SIN 1 |
JPN 1 |
CHN 4 |
BRA 2 |
5ᵘ | 61 | |||
| 2009 | ING Renault F1 Team | AUS 5 |
MYS 11 |
CHN 9 |
BHR 8 |
ESP 5 |
MON 7 |
TUR 10 |
GBR 14 |
GER7 | HUNRet | EUR 6 |
BEL Ret |
ITA 5 |
9ᵘ | 26 | ||||||||
| Renault F1 Team | SIN3 | JPN 10 |
BRA Ret |
ABU 14 |
||||||||||||||||||||
| 2010 | Scuderia Ferrari Marlboro | BHR1 | AUS 4 |
MYS 13≠ |
CHN 4 |
ESP 2 |
MON 6 |
TUR 8 |
CAN 3 |
EUR 8 |
GBR14 | GER 1 |
HUN 2 |
BEL Ret |
ITA1 | SIN1 | JPN 3 |
RCO1 | BRA 3 |
ABU 7 |
2ᵘ | 252 | ||
| 2011 | Scuderia Ferrari Marlboro | AUS 4 |
MYS 6 |
CHN 7 |
TUR 3 |
ESP 5 |
MON 2 |
CAN Ret |
EUR 2 |
4ᵘ | 257 | |||||||||||||
| Scuderia Ferrari | GBR1 | GER 2 |
HUN 3 |
BEL 4 |
ITA 3 |
SIN 4 |
JPN 2 |
RCO 5 |
IND 3 |
ABU 2 |
BRA 4 |
|||||||||||||
| 2012 | Scuderia Ferrari | AUS 5 |
MYS 1 |
CHN
9 |
BHR
7 |
ESP 2 |
MON 3 |
CAN 5 |
EUR 1 |
GBR2 | GER1 | HUN 5 |
BEL Ret |
ITA 3 |
SIN 3 |
JPN Ret |
RCO 3 |
IND 2 |
ABU 2 |
USA 3 |
BRA 2 |
2ᵘ | 278 | |
| 2013 | Scuderia Ferrari | AUS 2 |
MYS Ret |
CHN 1 |
BHR 8 |
ESP 1 |
MON 7 |
CAN 2 |
GBR 3 |
GER4 | HUN 5 |
BEL 2 |
ITA 2 |
SIN 2 |
RCO 6 |
JPN 4 |
IND 11 |
ABU5 | USA 5 |
BRA 3 |
2ᵘ | 242 | ||
| 2014 | Scuderia Ferrari | AUS 4 |
MYS 4 |
BHR 9 |
CHN 3 |
ESP 6 |
MON 4 |
CAN 6 |
AUT 5 |
GBR 6 |
GER 5 |
HUN 2 |
BEL 7 |
ITA Ret |
SIN 4 |
JPN Ret |
RUS 6 |
USA 6 |
BRA 6 |
ABU 912 |
12 |
6ᵘ | 161 | |
| 2015 | McLaren Honda | AUS | MYS Ret |
CHN 12 |
BHR 11 |
ESP Ret |
MON Ret |
CAN Ret |
AUT Ret |
GBR 10 |
HUN 5 |
BEL 13 |
ITA 18≠ |
SIN Ret |
JPN 11 |
RUS 11 |
USA 11 |
MEX 12Ret |
BRA 15 |
ABU 1712 |
12 |
17ᵘ | 11 | |
| 2016 | McLaren Honda | AUS Ret |
BHR | CHN 12 |
RUS 6 |
ESP Ret |
MON 5 |
CAN 11 |
EUR Ret |
AUT Ret |
GBR 13 |
HUN 7 |
GER 12 |
BEL 7 |
ITA14 | SIN 7 |
MYS 7 |
JPN 16 |
USA 5 |
MEX 13 |
BRA 10 |
ABU 10 |
10ᵘ | 54 |
| 2017 | McLaren Honda | AUS Ret |
CHN Ret |
BHR 14 |
RUS DNS |
ESP 12 |
MON 12 |
CAN 16≠ |
AZE 9 |
AUT Ret |
GBR Ret |
HUN6 | BEL Ret |
ITA 17≠ |
SIN 12Ret |
MYS 1211 |
12JPN 1211 |
12USA 12Ret |
MEX 1210 |
12BRA 8 |
ABU 9 |
15ᵘ | 17 | |
| 2018 | McLaren F1 Team | AUS 5 |
BHR 7 |
CHN ≠7 |
≠AZE 7 |
ESP 8 |
MON Ret |
CAN Ret≠ |
F ≠RA 16≠ |
AUT 8 |
GBR 8 |
GER 16≠ |
HUN 8 |
BEL Ret |
ITA Ret |
SIN 7 |
RUS 14 |
JPN 1214 |
12USA Ret12 |
M 12EX Ret12 |
B 12RA 17 |
ABU 11 |
11ᵘ | 50 |
- ≠ El pilotu nun acabó'l Gran Premiu, pero clasificóse al completar el 90% de la distancia total.
- * Temporada en cursu.
Referencies
editar- ↑ Afirmao en: Gemeinsame Normdatei. Identificador GND: 132674416. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://transparencia.oviedo.es/normativa-e-informes/honores-y-distinciones-municipales/hijos-predilectos.
- ↑ https://www.marca.com/motor/formula1/2021/01/28/6012a21446163f370e8b45a5.html
- ↑ http://www.auto-sprint.com/2002/01/08/fernando-alonso-piloto-de-pruebas-renault-en-2002/
- ↑ https://espanol.eurosport.com/formula-1/alonso-debuta-con-renault_sto363547/story.shtml
- ↑ http://www.motorpasion.com/archivos/2005/10/18-alonso-ganaria-con-el-sistema.php
- ↑ «Alonso, sancionado con 2 segundos para los entrenamientos oficiales del GP de Hungría». Noticia en páxina web de la Cadena Ser. Consultáu'l 2007-07-24.
- ↑ «Alonso: "Ya no considero a la Fórmula Uno un deporte"». Noticia en 20 minutos. Consultáu'l 2007-07-24.
- ↑ https://es.motorsport.com/f1/news/brasil-2006-alonso-campeon-schumacher/4895613/
Enllaces esternos
editar
Wikimedia Commons acueye conteníu multimedia sobre Fernando Alonso.- Páxina Oficial de Fernando Alonso (castellán)
- Notícias Fernando Alonso (castellán)
Datos: Q10514- Multimedia: Fernando Alonso
