Azerbaixán

estáu del Cáucasu, ente Asia occidental y Europa oriental

L'Azerbaixán[1] (n'azerbaixanu: Azərbaycan o Азәрбајҹан y en rusu: Азербайджа́н), oficialmente República d'Azerbaixán, ye un país trescontinental asitiáu en El Cáucasu, na llende ente la Europa oriental y l'Asia occidental[2]. Llenda col mar Caspiu al este, con Rusia (República de Daguestán) al norte, con Xeorxa al noroeste, con Turquía y Armenia aloeste ya con Irán pel sur. La so capital, y mayor ciudá, ye Bakú.

Azerbaixán
Azərbaycan Respublikası
República d'Azerbaixán
estáu soberanu
Flag of Azerbaijan.svg Emblem of Azerbaijan.svg
Bandera d'Azerbaixán escudu d'Azerbaixán
Lema nacional Nun tien
Himnu nacional Azərbaycan marşı
Alministración
Nome oficial Azərbaycan Respublikası
la République d’Azerbaïdjan
Republic of Azerbaijan
Republiken Azerbajdzjan
Azerbajdžanská republika
Capital Bakú
Forma de gobiernu República
Presidente d'Azerbaixán Ilham Aliyev (dende 31 ochobre 2003)
Primer Ministru d'Azerbaixán Ali Asadov (es) Traducir (dende 8 ochobre 2018)
Llingües oficiales azerbaixanu
División
Rellaciones diplomátiques
Miembru de
Xeografía
Coordenaes 40°18′N 47°42′E / 40.3°N 47.7°E / 40.3; 47.7Coordenaes: 40°18′N 47°42′E / 40.3°N 47.7°E / 40.3; 47.7
Azerbaijan orthographic projection.svg
Superficie 86600 km²
% agua Cuasi inexistente
Costes Nun tien
Llenda con 2.013 km
Puntu más altu Monte Bazardüzü (es) Traducir
Puntu más baxu Mar Caspiu
Demografía
Población 10 145 212 hab. (2021)
Densidá 117,15 hab/km²
Xentiliciu azerbaixanu y azerbaixana
Esperanza de vida 72,026 años
IDH 0,745 (2021)
Tasa de fertilidá 2 (2014)
Economía
Moneda Manat azerbaixanu
Bancu central Bancu Central d'Azerbaixán
Más información
Dominiu d'Internet .az
Códigu telefónicu +994
Códigu ISO 031 / AZE / AZ
Estaya horaria UTC+04:00 y Asia/Baku (en) Traducir
mfa.gov.az…
Cambiar los datos en Wikidata

La República Democrática d'Azerbaixán proclamó la so independencia de la República Democrática Federal de Trescaucasia en 1918, convirtiéndose nel primer estáu democráticu secular con población mayoritariamente islámica[3][4]. En 1920 foi incorporáu na Xunión Soviética, col nome de República Socialista Soviética d'Azerbaixán. L'actual república declaró la so independencia de la Xunión Soviética'l 30 d'agostu de 1991[5][6], perpoco anantes de la disolución de la Xunión. En setiembre de 1991 la mayoría armenia de la rexón del Altu Karabaj autoproclamó la República d'Artsakh[7]. Magar que la rexón y los siete distritos que la arrodien son reconocíos internacionalmente como parte d'Azerbaixán, ye una entidá política independiente de facto de magar del final de la primer guerra del Altu Karabaj (1994). Tres de la segunda guerra, desarrollada en 2020, los siete distritos citaos y partes del territoriu del Altu Karabaj volvieron a ser controlaos pol gobiernu azerbaixanu[8].

Políticamente, Azerbaixán organízase como una república xunitaria semipresidencialista. Ye uno de los seis estaos turcos, miembru activu de la Organización d'Estaos Turcos y la Organización Internacional de la Cultura Turca. El país tien rellaciones diplomátiques con 182 países, y pertenez a 38 organizaciones internacionales[9]; ente más otres, les Naciones Xuníes, el Conseyu d'Europa, el Movimientu de Países Ensin Alliniar, la Organización pa la Seguridá y la Cooperación n'Europa y el programa Asociación pa la Paz de la OTAN. Ye, amás, miembru fundador de l'asociación GUAM, la Comunidá d'Estaos Independientes[10] y la Organización pa la Prohibición de les Armes Químiques, y tien l'estatus d'observador na Organización Mundial del Comerciu.

La gran mayoría de la so población (97%) ye musulmana[11], pero la so constitución nun establez una relixón oficial del estáu, y toos los principales partíos políticos del país son non relixosos. Azerbaixán ye un país en víes de desarrollu; ocupa'l puestu 88 nel Índiz de Desarrollu Humanu, y tien un bon nivel de desarrollu económicu[12] y alfabetización[13] y pocu desempléu[14]. Sicasí, el partíu Nuevu Azerbaixán, nel poder dende 1993, tien sío acusáu d'autoritarismu, y el gobiernu socesivu de Heydar Aliyev y so fíu Ilham Aliyev va deteriorando la situación de los derechos humanos nel país, especialmente no que cinca a les llibertaes polítiques y de prensa[15].

HistoriaEditar

Artículu principal: Historia d'Azerbaixán

Perteneciente a Irán (entós Persia), Azerbaixán foi ocupada por Rusia nel sieglu XVIII, tando dividíu'l territoriu hasta entós en tres provincies: Arran, Shervan y Nakhjavan.

L'alministración rusa entamó a fines del sieglu XIX la esplotación de los campos petrolíferos de Bakú. Tres la revolución de 1917, toa la transcaucasia algamó la independencia, pero terminada la guerra civil foi reincorporada a la nueva Xunión Soviética, col estatus de República.

Algamó definitivamente la independencia en 1991.

Con anterioridá a esa fecha, comenzó el conflictu bélicu pol control de Nagorno Karabaj, un enclave autónomu dientro d'Azerbaixán pero de mayoría armenia. El conflictu causó 750.000 refuxaos y la perda del 14% del territoriu.

Gobiernu y políticaEditar

Azerbaixán ye una República presidencial. El Presidente ye elixíu per un periodu de 5 años. El poder llexislativu ta en manes de la Asamblea Nacional, un muérganu elixíu democráticamente y que tien 50 miembros.

La mayoría d'edá ta nos 18 años.

Los críticos del sistema políticu considérenlu en realidá una cleptocracia. La corrupción ta instalada en tolos niveles.

Organización político-alministrativaEditar

 
Mapa de la organización alministrativa d'Azerbaixán.

Azerbaixán ta dividida en:

RayonesEditar

CiudaesEditar

  1. Bakú (Bakı)
  2. Ganja (Gəncə)
  3. Lankaran (Lənkəran)
  4. Mingachevir (Mingəçevir)
  5. Naftalan (Naftalan)
  6. Shaki (Şəki)
  7. Shirvan (Şirvan)
  8. Shusha (Şuşa)
  9. Sumqayit (Sumqayıt)
  10. Khankendi (Xankəndi)
  11. Yevlax (Yevlax)

República autónoma de NajichevánEditar

La República Autónoma de Najicheván divídiese en siete rayones y una ciudá.

RayonesEditar

  1. Babek Rayonu (Babək)
  2. Julfa Rayonu (Culfa)
  3. Kangarli Rayonu (Kəngərli)
  4. Ordubad Rayonu (Ordubad)
  5. Sadarak Rayonu (Sədərək)
  6. Shahbuz Rayonu (Şahbuz)
  7. Sharur Rayonu (Şərur)

CiudaesEditar

  1. Najichevan Sahari (Naxçıvan)

XeografíaEditar

Artículu principal: Xeografía d'Azerbaixán

El relieve d'Azerbaixán ta condicionáu pola cordillera del Caúcasu, qu'algama una altitú de 4.480 metros nel monte Bazar Djuzi. Sólo la fastera sur (atravesada pol ríu Kura) permite l'agricultura.

Perteneciente a Azerbaixán pero separtada físicamente d'él, alcuéntrase la república autónoma de Naxcivan (o Nakhichevan), que llenda con Irán y Armenia.

L'enclave de Nagorno Karabaj paez definitivamente perdíu.

EconomíaEditar

Artículu principal: Economía d'Azerbaixán

Pese a los abondantes recursos petrolíferos, el país nun pudo hasta agora salir del marasmu económicu que siguió al esborru de la Xunión Soviética.

La economía ta basada na industria, incluyendo construcción de maquinaria, refináu de petroleu (del que'l país ye un productor mui importante), industria testil y química.

L'agricultura respresenta un terciu del PIB. Los regadíos tan perestendios. Nes tierres baxes, al llau del Mar Caspi u'l clima permite'l cultivu d'algodón, frutes, , tabacu y otros cultivos típicos de los climes subtropicales. El guxán de seda cultívase pa'l so aprovechamientu na industria testil. Nes zones monteses del norte y del oeste prautícase la ganadería: vaques, oveyes y cabres. Nel Mar Caspiu praútícase la pesca, ente la qu'hai que citar la del esturión.

DemografíaEditar

Alredor del 93% de la población ye étnicamente azerbaixana. Esti pueblu ta presente n'Irán, u esisten dos provincies del mesmu nome.

El restu de la población ye rusa y d'otres etnies.

ReferenciesEditar

  1. Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. Magar qu'aveza a tar políticamente aliniáu con Europa, Azerbaixán ye un país que, xeográficamente, tien bona parte del so territoriu nel suroeste asiáticu. Poro, la clasificación de rexones del mundu de Naciones Xuníes inclúilu nel Asia occidental; el CIA World Factbook asítialu nel Asia suroccidental; el diccionariu Merriam-Websters asitialu en dambes sodivisiones d'Asia, y la Enciclopedia Británica considéralu parte d'Asia. Sicasí, hai otres fontes que lu asitien n'Europa, como l'Atlas Mundial.
  3. Error de cita: La etiqueta <ref> nun ye válida; nun se conseñó testu pa les referencies nomaes Swietochowski Borderland
  4. Pipes, Richard (1997). Harvard University Press: The Formation of the Soviet Union: Communism and Nationalism 1917–1923. ISBN 978-0-674-30951-7.
  5. «Азербайджан. Восстановлена государственная независимость» (rusu).
  6. King, David C.. Marshall Cavendish: Azerbaijan. ISBN 978-0-7614-2011-8.
  7. Zürcher, Christoph (2007). New York University Press: The Post-Soviet Wars: Rebellion, Ethnic Conflict, and Nationhood in the Caucasus ([Online-Ausg.. ed.)]. ISBN 978-0-8147-9709-9.
  8. Facing Military Debacle, Armenia Accepts a Deal in Nagorno-Karabakh War. 10 November 2020. https://www.nytimes.com/2020/11/09/world/middleeast/armenia-settlement-nagorno-karabakh-azerbaijan.html. 
  9. «Azerbaijan: Membership of international groupings/organisations». British Foreign & Commonwealth Office.
  10. (1998) Routledge: Eastern Europe and the Commonwealth of Independent States. ISBN 978-1-85743-058-5.
  11. Cornell, Svante E. (2010). M.E. Sharpe: Azerbaijan Since Independence.
  12. «Interactive Infographic of the World's Best Countries». Newsweek. 15 August 2010. http://www.newsweek.com/2010/08/15/interactive-infographic-of-the-worlds-best-countries.html. Consultáu 'l 24 July 2011. 
  13. «Literacy rate among schoolchildren in Azerbaijan is 100% – UN report» (28 October 2011).
  14. «Employment statistics in Azerbaijan». The State Statistical Committee of the Republic of Azerbaijan.
  15. «Human Rights Watch: Azerbaijan». Human Rights Watch.


Países d'Asia
Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kirguistán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme
Organización pa la Cooperación Islámica
Afganistán | Albania | Arabia Saudita | Arxelia | Azerbaixán | Baḥréin | Bangladex | Benín | Brunéi | Burkina Fasu | Camerún | Chad | Comores | Costa de Marfil | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bisáu | Guyana | Indonesia | Irán | Iraq | Kazakstán | Kirguistán | Kuwait | Libia | Malasia | Maldives | Malí | Marruecos | Mauritania | Mozambique | Níxer | Nixeria | Omán | Paquistán | Palestina | Qatar | Senegal | Sierra Lleona | Siria | Somalia | Sudán | Surinam | Taxiquistán | Togu | Tunicia | Turkmenistán | Turquía | Uganda | Uzbequistán | Xibuti | Xordania | Yeme

Países observadores: Bosnia y Herzegovina | República Centroafricana | Rusia | Tailandia | República Turca de Xipre del Norte