Abrir el menú principal

Sáḥara Occidental


El Sáḥara Occidental[3] ye un territoriu d'África, nel estremu occidental del desiertu del Sáḥara. Foi antigua colonia española y anguaño ta baxo alministración de Marruecos, anque'l so drechu sobre esti territoriu nun ta reconocíu nin pola ONX nin pol Tribunal Internacional de La Haya y ye refugáu pol Frente Polisariu que reclama la independencia pal pueblu saharianu.

الصحراء الغربية
As-Ṣaḥarā' al-Ġarbiyya
Sáḥara Occidental

Territoriu non autónomu
Territoriu disputáu[1]

Flag of Spain (1945–1977).svg

1976-Actualidá
Llocalización de Sáḥara Occidental
Llocalización del Sáḥara Occidental
Capital L'Aaiún
25°N 13°W / 25°N 13°W / 25; -13
Llingua principal Árabe, español, bereber y hassanía
Relixón Islam: 99,4%
Cristianismu: 0,16%
Nenguna: 0,31%
Bahaísmu: 0,04%
(Añu 2000)
Historia
 • Acuerdu Tripartitu de Madrid

14 de payares de 1975

 • Renuncia formal de derechos y obligaciones y salida del territoriu por parte del Reinu d'España 26 de febreru de 1976
 • Conveniu de Rabat entre Marruecos y Mauritania 14 d'abril de 1976
 • Acuerdu d'Arxel ente Mauritania y el Frente Polisariu 10 d'agostu de 1979
 • Alto'l fueu ente Marruecos y el Frente Polisariu na Guerra del Sáḥara Occidental 6 de setiembre de 1991
Moneda:
Bandera de Croacia RASD: Peseta Saharaui (EHP)
Flag of Morocco.svg Marruecos: Dírham marroquí (MAD)
Xentiliciu: saḥarianu, -a, -o[2]

Índiz

HistoriaEditar

Reclamada como colonia por España nel 1885 la ocupación efeutiva del territoriu nun se realizó hasta'l 1934. En 1975 España abandonó'l territoriu que foi invadíu por Mauritania y Marruecos en 1976 realizó la Marcha Verde, pero el Frente Polisariu proclamó la República Árabe Saharaui Democrática (RASD) y declaró-y la guerra a los invasores. En 1979 Mauritania nun pue siguir costeando la guerra y firma la paz col Frente Polisariu renunciando asina a les sos pretensiones nel territoriu. En 1991 Marruecos y el Frente Polisariu firmen un altu'l fueu auspiciáu pola ONX qu'establez la Misión pal Referendu nel Sáḥara Occidental (MINURSO) que se celebraría en febreru de 1992. Marruecos foi aplazando la convocatoria pal referendu per aciu d'apelalciones nes que pide a los marroquinos que tán na zona (que yá son mayoría) tengan drechu a votu.

Ente 1980 y 1987 Marruecos construyó nel Sáḥara Occidental una barrera d'ocupación divisoria conocida como «muru de la vergüenza». Tien más de 2.000 km, ta fabricada con tierra, piedra y arena y protexida con soldaos, mines anti-persona, artillería y otros materiales militares.

Gobiernu y políticaEditar

L'estatus llegal del territoriu y la entruga de la soberanía tán ensin resolver. Alcuéntrase n'ocupación de Marruecos, pero'l Frente Polisariu discute-y el control.

Organización político-alministrativaEditar

Fai años dividíase en Saguia el Hamra (capital: El Aaiún) y Ríu d'Oru (capital Dajla, antigua Villa Cisneros). Otres poblaciones importantes son Smara y La Güera (o La Agüera).

Marruecos dixebró'l Sáḥara Occidental en cuatro provincies: Boujdour (Bojador), Laâyoune (El Aaiún), Es-Smara (Smara) y Qued Eddahab (Ríu d'Oro). Tres de la reorganización nel 1997, el territoriu del Sáḥara Occidental pertenez a tres rexones marroquines (Oued Ed-Dahab - Lagouira, Laâyoune - Boujdour - Sakia El Hamra y Guelmin - Es-Semara). Les dos últimes inclúin tamién territoriu marroquín.

XeografíaEditar

 
Mapa del Sáḥara Occidental

El Sáḥara Occidental alcuéntrase nel África Norte, llindando nel norte col Océanu Atlánticu, Mauritania (nel este y sur) y Marruecos (nel norte). Llinda tamién al noreste con Arxelia.

Atravesáu pol Trópicu de Cáncer, el territoriu ta ocupáu pol desiertu del Sáḥara, siendo una parte erg (desiertu d'arena) y otra de piedra.

La escasa vexetación solo crez nos oasis. Hai delles especies animales adaptaes al áridu hábitat desérticu, como'l ratón brincante del desiertu.

EconomíaEditar

El Sáḥara Occidental cuenta con pocos recursos naturales y nun tien suficientes precipitaciones como p'abastecer la mayoría de les actividaes agrícoles. La so economía ta centrada nel pastoríu nómada, la pesca y la minería del fosfatu. La mayoría de los alimentos pa la población urbana tien que ser importada. Tol comerciu y les otres actividaes económiques tán controlaos pol gobiernu de Marruecos.

DemografíaEditar

 
Evolución demográfica del Sáḥara Occidental ente 1961 y 2003 (cifres de la FAO, 2005). Población en miles d'habitantes.

La población del Sáḥara Occidental ye na so mayoría d'oríxe árabe y bereber, esiste tamién una escasa minoría d'ascendencia española o europea, y de raza negra. Gran parte de la población saḥariana del país (alredor de 155.000) ta nel exiliu en campamentos en Tinduf dende 1975. El país ta ocupáu mayoritariamente polos marroquinos llegaos dempués de 1975 y pol exércitu.

Sáḥara Occidental ye un de los territorios menos poblaos del mundu y posiblemente el de menor densidá de población. En xunetu de 2004 taba nel Sáḥara Occidental una población de 267.405 persones.

La llingua oficial ye l'árabe, anque fálase diariamente'l dialectu conocíu como'l hasanía, un dialectu faláu en Mauritania pero con mui poques diferencies que solo se puen detectar pol Bidhan (los habitantes del Sáḥara y Mauritania). Tamién se fala l'español, como'l segundu idioma más importante del territoriu, particularmente pa los que crecieron baxo la colonización española.

La relixón predominante ye l'islam.

CulturaEditar

 
Puestu militar n'El Aaiún
Fiestes
Fecha Nome n'asturianu Nombre local Notes
27 de febreru Fiesta nacional Sab'a O'Echreen Fabrair Proclamacion de la RASD
20 de mayu Fiesta nacional Eichreen mai Declaración de llucha armada pa la lliberación.

ReferenciesEditar

  1. Ocupáu y alministráu cásique na so totalidá por Marruecos, qu'equipáralu al restu del territoriu. El restu contrólalu l'autoproclamada República Árabe Saharaui Democrática sacante la ciudá de La Güera, que permanez deshabitada y controlada por Mauritania. Según un asesor xurídicu de les Naciones Xuníes, España de iure aínda se considera como la potencia alministradora, pese a que renunció formalmente a los sos derechos y obligaciones.
  2. Nel DALLA, na definición de "saḥarianu".
  3. Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.

Enllaces esternosEditar