Ḥawai

Ḥawai
Bandera de Ḥawai
Alministración
País	Estaos Xuníos d'América
ISO 3166-2	US-HI
Tipu d'entidá	Estaos d'Estaos Xuníos
Capital	Honolulu
Gobernador de Ḥawai	Josh Green
Nome llocal	State of Hawaii (en); Mokuʻāina o Hawaiʻi (haw)
Llingües oficiales	inglés ; ḥawaianu
División	ver condáu de Hawaii, condáu de Honolulu, condáu de Kalawao, condáu de Kauai y condáu de Maui;
Xeografía
Coordenaes	21°30′N 158°00′W / 21.5°N 158°O
Superficie	28311 km²
Puntu más altu	Mauna Kea
Puntu más baxu	Océanu Pacíficu
Altitú media	925 m
Demografía
Población	1 455 271 hab. (1r abril 2020)
Densidá	51,4 hab/km²
Viviendes	467 932 (31 avientu 2020)
Más información
Estaya horaria	tiempu de Ḥawai-Aleutianu y Pacific/Honolulu (en)
Fundación	21 agostu 1959
	portal.ehawaii.gov

Ḥawai^[1]o tamién escritu como Ḥawái^[2](tamién conocíes como Les Islles Sandwich) ye un archipiélagu del océanu Pacíficu. Almitíu el 21 d'agostu de 1959, Ḥawai foi l'estáu númberu 50 en xuntase a los Estaos Xuníos. Ye l'únicu del país asitiáu fuera d'América del Norte, n'Oceanía, y l'únicu formáu completamente por islles.

L'archipiélagu, el grupu más septentrional d'islles de la Polinesia, abarca dellos cientos d'islles espardíes nún radiu de 2.400 km. Les ocho mayores, asitiaes nel estremu suroriental del mesmu, son, de noroeste a sureste, Niʻihau, Kauaʻi, Oʻahu, Molokaʻi, Lānaʻi, Kahoʻolawe, Maui y la islla de Hawaiʻi. Esta cabera ye la mayor, y aveza a llamásela "Big Island" o "Hawaiʻi Island" pa evitar la confusión col estáu o l'archipiélagu. Esti ye, neto fisiográfica qu'etnolóxicamente, parte de la subrexón oceánica de Polinesia.

La bayura de playes, lo variao del so paisaxe, con volcanes activos, y el so clima, tropical templáu, conviértenlu nún destín perpopular pa turistes, surferos, biólogos y vulcanólogos. La so cultura ta influyida, pola so llocalización, pola cultura del Este d'Asia y la de Estaos Xuníos, con rasgos d'elles que s'amiesten cola cultura ḥawaiana indíxena. La población del estáu ye de 1 455 271 hab. (1 abril 2020)^[3]^[4], y Honolulu, asitiada na islla d'O'ahu, ye la mayor ciudá y la capital.