Fala xalimesa
| Fala xalimesa A fala | |
|---|---|
| Faláu en |  España
|
| Zona | Valle de Xálama: Sa Martín de Trevellu, As Ellas y Valverdi du Fresnu |
| Falantes | 6.000 |
| Familia | Llingües indoeuropees Itálicu |
| Alfabetu | Llatín |
| Estatus oficial | |
| Oficial en | Nengún país |
| Reguláu por | Nun ta reguláu |
| Códigos | |
| ISO 639-1 | nengún
|
| ISO 639-2 | roa
|
| ISO 639-3 | |
 Estensión del fala xalimesa | |
La fala xalimesa (a fala) ye una llingua romance del subgrupu galaicoportugués falada nos conceyos de Sa Martín de Trevellu, As Ellas y Valverdi du Fresnu, toos ellos nel Valle de Xálama, al noroeste de la provincia española de Cáceres (na llende portuguesa).
Ye tamién nomada de diverses formes, como: xalimés, mañegu, a fala de Xálima, a fala d'acá, a nossa fala y chapurráu (en Valverdi) o, polos partidarios de la teoría sobro la relación ente la fala xalimesa y la llingua gallega, gallegu d'Estremadura o galaicoestremeñu.
En cada pueblu dan particularidaes dialeutales, magar son lo suficientemente intelixibles ente sigo y respeutu al gallegu o'l portugués. Estes variantes suelen denominase lagarteiru (As Ellas), manhegu/mañegu (Sa Martín de Trevellu) y valverdeiru (Valverdi du Fresnu).
Cuntando a tolos habitantes de los trés pueblos envalórense unos 6000 falantes, inda que otres fontes alcen la cifra hasta los 10 000, polos nativos que trabayen fuera de la llocalidá pero munchos de los cualos vuelven al valle pel branu.