Hermanos de les Escueles Cristianes
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Hermanos de les Escueles Cristianes ye una concregación de maestros llaicos, que refuguen ser sacerdotes, y nun formen una orde relixosa tradicional. Foi creada por Xuan Bautista de La Salle en Reims (Francia) nel añu 1684.
| Hermanos de les Escueles Cristianes | |
|---|---|
instituto religioso (es)  y organización | |
 | |
 | |
| Llocalización | |
| Sede | Roma |
| Direición |
Francia Italia España Polonia Eslovaquia Rumanía Hungría Grecia Turquía Alemaña Austria Suiza Portugal República d'Irlanda Reinu Xuníu Bosnia y Herzegovina Eslovenia Croacia Israel Xordania Siria Exiptu Sudán Sudán del Sur Eritrea Etiopía Kenia República Democrática d'El Congu Camerún Nixeria Níxer Burkina Fasu Benín Costa de Marfil Guinea Mozambique Sudáfrica Madagascar India Paquistán Myanmar Tailandia Vietnam Brunéi Filipines Australia Xapón Papúa Nueva Guinea Nueva Zelanda Estaos Xuníos Canadá Méxicu Guatemala Hondures El Salvador Nicaragua Costa Rica Panamá Cuba Haití República Dominicana Colombia Venezuela Brasil Ecuador Perú Bolivia Paraguái Arxentina Chile |
| Coordenaes | 41°54′N 12°25′E / 41.9°N 12.42°E |
  Hermanos de les Escueles Cristianes Hermanos de les Escueles Cristianes (Francia) | |
| Historia | |
| Fundación | 1688 |
| Fundador | Xuan Bautista de La Salle |
| Web oficial | |
 | |
Los anicios
editarLa idea del fundador yera la de crear escueles nes que los fíos de los artesanos y los probes deprendieren de baldre a lleer, escribir y aritmética y recibieren, amás, una educación cristiana. Pa ello, en collaboración con doce compañeros, entamó esa xera educativa. Al tratase d'escueles gratuites la orde buscaba benefactores que sofitaren económicamente'l caltenimientu de les comunidaes d'Hermanos.
Una de les carauterístiques de la educación impartida polos Hermanos yera enseñar a los sos alumnos na so llingua materna, el francés, dexando de llau'l llatín.
L'aprobación formal del Institutu de los Hermanos de les Escueles Cristianes pola Ilesia foi concedida'l 26 de xineru de 1725, per aciu d'una bulda papal de Benitu XIII titulada In Apostolicae Dignitatis Solio.
La supresión y restauración del Institutu
editarLa esistencia llegal del Institutu en Francia quedó suspendida demientres la Revolución francesa ente los años 1792 y 1805, continuando un pequeñu grupu d'Hermanos esistiendo oficialmente en dellos Estaos pontificios y en Roma.
La restauración de la orde tuvo llugar baxo l'Imperiu gracies a la influyencia del inspeutor xeneral Ambroise Rendu que-yos esixó a ellos y a otres congregaciones una titulación que los capacitara pal enseñu. Esta restauración dio pasu a un tiempu de xorrecimientu del Institutu a lo llargo de tol sieglu XIX, pasando de 160 Hermanos en Francia ya Italia en 1810 (añu nel que los Hermanos retomen oficialmente les sos funciones educatives) a 14.631 a finales de la centuria, que finaría cola canonización del fundador en 1900. Nesti tiempu l'Institutu fíxose presente en 35 países, n'Europa Central, Inglaterra, Estaos Xuníos, Ecuador, Turquía, Tunicia, Madagascar, ...
Esti espardimientu de los Hermanos llevólos a tomar contautu con otres relixones incluyendo ente los sos alumnos a musulmanes, hindús o budistes, que teníen qu'acudir a les clases de catecismu, anque posteriormente s'eliminó esta obligación modificando'l modelu de misión de "conversión" que yera l'imperante naquelles dómines.
Ente los años 1830 y 1848 organizaron clases nocherniegues p'adultos peles que pasaríen al rodiu de 50.000 alumnos, según fontes del Institutu. Tamién trabayaron a lo llargo del sieglu XIX na educación y rehabilitación de los delincuentes.
El sieglu XX
editarLes lleis de secularización dictaes en Francia ente los años 1904 y 1912 fixeron camudar notablemente'l perfil del Institutu. Les escueles pertenecientes a les órdenes relixoses foron obligaes a pesllar, polo que los Hermanos procuraron continuar el so apostoláu n'otros llugares. El Sur de Bélxica, Canadá y España foron los principales destinos d'estos flaires.
Un fechu importante na vida de los Hermanos nesti tiempu ye la resolución de la llamada “cuestión del llatín”. Nel añu 1923 el papa Píu XI convidó al Institutu a que s'impartieren materies clásiques en delles escueles, ente elles el llatín, yá que la so ausencia de los planes d'estudiu de los Hermanos causara problemes y dificultaes a los alumnos d'eses escueles.
La realidá de la Ilesia y del Institutu camudaron enforma cola fechura del Conceyu Vaticanu II en Roma ente los años 1962 y 1965, a lo que los Hermanos intentaron retrucar con un Capítulu Xeneral nel añu 1966.
De magar esi añu, momentu nel que l'Institutu algamó'l mayor númberu de miembros de la so historia, entamó un periodu d'escayencia nel qu'un númberu importante d'Hermanos abandonen la orde.
Anguaño los Hermanos, en collaboración con seglares, tán presentes en 85 países de tol mundu. El so superior xeneral ye l'hermanu Robert Schieler, elixíu pal cargu nel Capítulu de la orde del añu 2014.
La presencia n'Asturies
editarLos Hermanos de les Escueles Cristianes aporten a Asturies nel añu 1900. El primer llugar nel que s'asitien ye en L'Arquera, nel conceyu de Llanes, de la mano del indianu Manuel Cué Fernández que fundó la Escuela del Dulce Nombre de María.
Llueu impartiríen enseñances en dellos llugares de les cuenques mineres del centru d'Asturies, onde foron llamaos polos patronos (el Marqués de Comillas especialmente) de les empreses mineres pa entamar la educación de los fíos de los trabayadores. Asina vemos qu'a principios del sieglu XX van poniendo escuela en La Felguera (1902), Mieres (1903), Bustiello (1906), Turón (1919) y Caborana (1920).
Nel añu 1908 entamaron a dirixir una escuela en Colunga.
Tamién tuvieron una presencia notable en Xixón, ciudá na que siguen trabayando anguaño. A la villa aportaron nel añu 1904 de la mano d'otru indianu, Ramón Álvarez de Arriba, qu'iguó l'edificiu del Hotel Dindurra pa convertilu en sede de la primer escuela de los Hermanos en Xixón a la que-y punxeron el nome de S. Ramón. El fallecimientu d'Eutiquio García-Sala que dexó tolos sos bienes al párrocu de la ilesia de S. Pedro, afaló la creación d'una escuela nel barriu de Cimavilla que tovía güei lleva'l nome de S. Eutiquio. Los institutos de Roces y La Calzada contaron, ente los sos enseñantes, con un bon númberu de lasalianos hasta finales de los años 1970, ocupando los cargos de direición de los centros los Hermanos Fortunato y Germán respeutivamente.
Demientres la Revolución de 1934 seis Hermanos de la Salle y un Padre Pasionista pertenecientes a la escuela de Turón foron asesinaos polos revolucionarios. Fueron beatificaos el 29 d'abril de 1990 y canonizaos por Xuan Pablu II el 21 de payares de 1999.
Los nomatos populares de los Hermanos
editarA lo llargo de los más de tres sieglos de vida de la orde, los Hermanos de la Salle fueron apodaos con dellos nomatos. El primeru d'ellos, Frères quatre bras, dieron-yoslu en Francia nos anicios del Institutu, y fai referencia al abrigu que llevaben ensin meter los brazos peles mangues.
Tamién recibieron, pela parte de los sos detractores, al final del sieglu XIX, el nomatu de Frères ignorantins yá que'l so reclutamientu popular, nun favorecía siempre una bona instrucción de cara al so llabor na enseñanza. Esta espresión foi utilizada por Karl Marx pa dar anuncia del baxu nivel y el calter clerical de la educación na Francia burguesa.
N'Asturies y n'otros llugares llamáronlos Baberos por mor del rabat, la llamativa señal blanca que colgaba del cuellu del so hábitu.
Hermanos Superiores xenerales
editarLa Congregación Lasallista ta dirixida por un Superior xeneral, qu'acompañáu pol "Vicariu xeneral" y un "Conseyu xeneral", deben velar pol crecimiento y l'alministración de les obres Lasallistes repartíes pel mundu, dende la Casa xeneral con sede en Roma, Italia. Depués del so Fundador, San Xuan Bautista de La Salle, l'Institutu de los Hermanos de les Escueles Cristianes tuvo 27 Superiores Xenerales. La llista completa vien darréu:
| Hermanu | Nome de nacimientu | Periodu | País |
|---|---|---|---|
| Barthélemy | Joseph Truffet | 1717 - 1720 |  Francia
|
| Timothée | Guillaume Bazin | 1720 - 1751 | Francia
|
| Claude | Pierre Nivet | 1751 - 1767 | Francia
|
| Florence | Jean Boubel | 1767 - 1777 | Francia
|
| Agathon | Joseph Gonlieu | 1777 - 1798 | Francia
|
| Frumence | Jean-Baptiste Herbet | 1798 - 1810 | Francia
|
| Gerbaud | Sébastien Thomas | 1810 - 1822 | Francia
|
| Guillaume-de-Jésus | François Marre | 1822 - 1830 | Francia
|
| Anaclet | Claude-Louis Constantin | 1830 - 1838 | Francia
|
| Philippe | Mathieu Bransiet | 1838 - 1874 | Francia
|
| Jean-Olympe | Joseph-Just Paget | 1874 - 1875 | Francia
|
| Irlide | Jean-Pierre Casaneuve | 1875 - 1884 | Francia
|
| Joseph | Jean-Marie Josserand | 1884 - 1897 | Francia
|
| Gabriel-Marie | Edmond Brunhes | 1897 - 1913 | Francia
|
| Imier de Jésus | Jean-Antoine Lafabrègue | 1913 - 1923 | Francia
|
| Allais-Charles | Jean Petiot | 1923 - 1928 |  Bélxica
|
| Adrien | Adrien Petiot | 1928 - 1934 | Francia
|
| Junien Victor | Auguste Détharré | 1934 - 1940 | Francia
|
| Arèse-Casimir | Noël Valentin Bression | 1940 - 1946 | Francia
|
| Athanase | Louis-Arthur Ritimann | 1946 - 1952 | Francia
|
| Dionysius van Jezus | Alphonse-François De Schepper | 1952 - 1956 |  Países Baxos
|
| Nicet-Joseph | Pierre-Paul Loubet | 1956 - 1966 | Francia
|
| Charles Henry | Thomas-Joseph Buttimer | 1966 - 1976 |  Estaos Xuníos d'América
|
| José Pablo | José Pablo Basterrechea | 1976 - 1986 |  España
|
| John Joseph | John Johnston | 1986 - 2000 | Estaos Xuníos d'América
|
| Álvaro Enrique | Álvaro Rodríguez Echeverría | 2000 - 2014 |  Costa Rica
|
| Robert Schieler | Robert Schieler | 2014 - 2022 | Estaos Xuníos d'América
|
| Armin Luistro | Armin Altamirano Luistro | 2022 - |  Filipines
|
Referencies
editarEnllaces esternos
editarActa fundacional de les escueles de Bustiello, en Mieres
Datos: Q138579
Multimedia: De La Salle Brothers
