Gran Premiu de Brasil
El Gran Premiu de Brasil (en portugués: Grande Prêmio do Brasil) ye una carrera d'automovilismu de velocidá disputada en Brasil dende l'añu 1972, que foi válida pal Campeonatu Mundial de Fórmula 1 dende 1973. Anguaño dispútase nel Autódromu José Carlos Pace n'Interlagos (ciudá de São Paulo); enantes tuvo llugar tamién nel Autódromu Internacional Nelson Piquet de Jacarepaguá, Rio de Janeiro.
Gran Premiu de Brasil | |
|---|---|
_track_map.svg) | |
| Xeneral | |
| Tipu de competición | actividá deportiva periódica |
| Deporte | competición de Fórmula 1 |
| País | Brasil |
| Organizador | Fédération Internationale de l'Automobile |
| Historia | |
| Fundación | 1972 |
| Competición | |
| Periodicidá | Cada añu |
 | |
Tradicionalmente, el Gran Premiu de Brasil disputábase na seronda, abriendo la temporada o dientro de les primeres trés pruebes del campeonatu. En 2004 disputábase a final de temporada por cuenta de unes obres de meyora de les instalaciones d'Interlagos; sicasí, debíu al mayor ésitu de públicu al pasar a celebrase en primavera, dende entós siguióse disputando escontra final de temporada, de cutiu como la carrera de zarru. Por ello, foi sede de la definición del campeón con frecuencia nos últimos años. Exemplos d'ellos son el bicampeonatu de Fernando Alonso, y los campeonatos de Kimi Räikkonen, Lewis Hamilton y Jenson Button.
El pilotu más victoriosu de la carrera ye'l francés Alain Prost, con seis trunfos. L'arxentín Carlos Reutemann y l'alemán Michael Schumacher síguenlu con cuatro conquistes cada unu. Los llocatarios que ganaron el Gran Premiu de Brasil son los campeones Emerson Fittipaldi, Nelson Piquet y Ayrton Senna, al igual que José Carlos Pace y Felipe Massa. El paulista Rubens Barrichello compitió 17 ediciones n'nterlagos, consiguiendo un tercer puestu en 2004 como meyor resultancia y 11 abandonos.
Ganadores del Gran Premiu de Brasil
editar- Les carreres que nun formen parte del campeonatu de Fórmula 1 tán señalaes con un fondu de color rosáu.
Referencies
editarEnllaces esternos
editar
Wikimedia Commons acueye conteníu multimedia sobre Gran Premiu de Brasil.- Páxina oficial del Gran Premiu de Brasil Archiváu 2009-03-14 en Wayback Machine
- Páxina dedicada al GP Brasil 2007 (enllaz rotu disponible n'Internet Archive; ver l'historial y la última versión).
23°42′04″S 46°41′49″W / 23.701°S 46.697°O
Datos: Q7961- Multimedia: Brazilian Grand Prix
