Serviciu de Salú del Principáu d'Asturies

(Redirixío dende SESPA)

El Serviciu de Salú del Principáu d'Asturies (SESPA)[1] ye l'organismu encargáu de xestionar tolo relativo a los servicios médicos n'Asturies dende que fueron trensferíes les competencies en sanidá dende'l gobiernu central al Principáu nel 2002.

Serviciu de Salú del Principáu d'Asturies
organismu públicu
País España
Autonomía Principáu d'Asturies
Direición España
Historia
Fundación1r xineru 2002
Participación empresarial
Filiales
Bolsa de valores Sistema Nacional de Salú
Web oficial
Cambiar los datos en Wikidata

El SESPA ye l'encargáu de xestionar, ente otros, l'Hospital Universitariu Central d'Asturies (HUCA) n'Uviéu, l'Hospital de Cabueñes en Xixón, l'Hospital San Agustín d'Avilés, l'Hospital Valle del Nalón, en Llangréu y l'Hospital Álvarez Buylla en Mieres.

Historia editar

El 1 de xineru de 2002 Asturies recibió les competencies sanitaries, polo que pasó a xestionar por completu 7 hospitales públicos, 6 concertaos, 78 centros de salú y una plantí­a cercana a los 13.000 trabayadores. En total una xestión que se calculaba nunos 939 millones d'euros, casi'l 40% del presupuestu autonómicu.

En xunu d'esi mesmu añu tuvo llugar la primera fuelga nel SESPA, que duró 3 selmanes. Foi una novedá n'España, porque nenguna de les otres comunidaes a les que se-yos habíen tranferío les competencies sanitaries había tenío esos problemes. Pa poder financiar les peticiones de los sanitarios el gobiernu del Principáu viose forzáu a crear el conocíu como céntimu sanitariu, un impuestu sobre los carburantes.

Árees sanitaries editar

Asturies ta xebrada en 8 árees sanitaries, según s'amosa nel mapa darréu. [2]

 
Mapa d'Asturies coles árees sanitaries.
Númberu Cabeza Hospital Conceyos
I Xarrio Hospital de Xarrio Bual, Castropol, Cuaña, El Franco, Grandas de Salime, Eilao, Navia, Pezós, Samartín d'Ozcos, San Tiso d'Abres, Santalla d'Ozcos, Tapia, Taramundi, Valdés, A Veiga, Vilanova d'Ozcos y Villayón
II Cangas del Narcea Hospital Carmen y Severo Ochoa Allande, Cangas del Narcea, Degaña, Ibias y Tinéu
III Avilés Hospital San Agustín Avilés, Castrillón, Corvera, Cuideiru, Gozón, Illas, Muros, Pravia y Sotu'l Barcu
IV Uviéu Hospital Universitariu Central d'Asturies, Hospital Monte Naranco Miranda, Bimenes, Cabranes, Candamu, Grau, Llanera, Nava, Noreña, Uviéu, Proaza, Quirós, Les Regueres, La Ribera, Salas, Santo Adriano, Sariegu, Siero, Somiedo, Teberga, Tameza, Morcín y Riosa
V Xixón Hospital Universitariu de Cabueñes Carreño, Xixón y Villaviciosa
VI Les Arriondes Hospital del Oriente d'Asturies Amieva, Cabrales, Cangues d'Onís, Caravia, Colunga, Llanes, Onís, Parres, El Valle Altu de Peñamellera, El Valle Baju de Peñamellera, Piloña, Ponga, Ribedeva y Ribeseya
VII Mieres Hospital Álvarez Buylla Ayer, Ḷḷena y Mieres
VIII Llangréu Hospital Valle del Nalón Casu, Llangréu, Llaviana, Samartín del Rei Aurelio y Sobrescobiu

Referencies editar

  1. Academia de la Llingua Asturiana (2007). Cartafueyos Normativos. Abreviatures, rotulaciones y propuestes d’espresión y llocución. ISBN 978-84-8168-421-6.
  2. https://www.astursalud.es/noticias/-/noticias/mapa-sanitario-de-asturi-1

Enllaces esternos editar