Brasil

Brasil; República Federativa do Brasil
	estáu soberanu
Bandera de Brasil	escudu de Brasil
Lema nacional	Orde y progresu
Himnu nacional	Himnu nacional de Brasil;
Alministración
Nome oficial	República Federativa do Brasil (pt)
Capital	Brasilia (dende 22 abril 1960)
Forma de gobiernu	república federal ; Democracia representativa ; presidencialismu
Presidente de Brasil	Luiz Inácio Lula da Silva (dende 1r xineru 2023)
Presidente de Brasil	Luiz Inácio Lula da Silva (dende 1r xineru 2023)
Llingües oficiales	portugués ; llingua de signos brasiliana
División	ver Acre, Amapá, Amazones, Pará, Rondônia, Roraima, Tocantins, Alagoas, Bahia, Ceará, Maranhão, Paraíba, Pernambuco, Piauí, Rio Grande do Norte, Sergipe, Goiás, Mato Grosso, Mato Grosso do Sul, Espírito Santo, Minas Gerais, Rio de Janeiro, São Paulo, Paraná, Río Grande do Sul, Santa Catarina y Distritu Federal;
Rellaciones diplomátiques	ver Arxentina ; Sudáfrica ; Alemaña (1951); Angola ; Armenia ; Australia ; Barbados ; Benín ; Bolivia ; Cabu Verde ; Canadá ; Chile ; Costa Rica ; Colombia ; Corea del Norte (9 marzu 2001); Cuba ; Dinamarca ; Exiptu ; Estaos Xuníos ; Ecuador ; España ; Francia ; Guinea Ecuatorial ; Guyana ; Grecia ; Haití ; Hondures ; Israel ; India ; Indonesia ; Irán ; Iraq ; Xapón ; Xamaica ; Méxicu ; El Líbanu ; Mozambique ; Nixeria ; Estáu de Palestina ; Paraguái ; Paquistán ; Perú ; Polonia ; Portugal ; Reinu Xuníu ; Chequia ; Rusia ; Sudán ; Libia ; Serbia ; Sudán del Sur ; Timor Oriental ; Turquía ; Ucraína (11 febreru 1992); Xunión Europea (1960); Xunión Africana ; Uruguái ; Venezuela ; Bután ; República Popular China ; Italia ; Bielorrusia ; Surinam ; Belize ; Malasia ; Taiwán (8 abril 1913); Filipines ; República Democrática d'El Congu ; Suecia ; Corea del Sur ; Bangladex ; Xeorxa (28 abril 1993); Reinu de los Países Baxos ; Zambia ; Hungría ; ;
Miembru de	ver Organización de les Naciones Xuníes (24 ochobre 1945); Unasur ; Mercosur ; Organización Mundial del Comerciu ; G20 ; Comunidá de Países de Llingua Portuguesa ; Xunión Llatina ; Grupo de los cuatro (es) ; Foro Trilateral IBSA (es) ; G8+5 (es) ; Comunidá d'Estaos Llatinoamericanos y Caribeños ; Organización del Tratado de Cooperación Amazónica (es) ; Asociación Llatinoamericana d'Integración ; Foro de Cooperación de Asia Oriental y América Latina (es) ; Cumbre de las Américas (es) ; Cume Iberoamericanu ; Grupu de Rio ; Cumbre América del Sur-Países Árabes (es) ; Zona de Paz y Cooperación del Atlántico Sur (es) ; Sistema Económico Latinoamericano y del Caribe (es) ; Parllamentu Llatinoamericanu ; Grupo de Cairns (es) ; Organización Mundial de la Salú ; Xunión Postal Universal (1 xunetu 1877); Corte Penal Internacional ; Interpol (6 ochobre 1986); Organización de los Estaos Americanos (1948); Observatoriu Européu Austral (2010); Bancu Internacional de Reconstrucción y Fomentu (14 xineru 1946); Asociación Internacional de Fomentu (15 marzu 1963); Corporación Financiera Internacional (31 avientu 1956); Organismu Multillateral de Garantía d'Inversiones (7 xineru 1993); Bancu Africanu de Desarrollu ; Organismu pa la Prohibición de les Armes Nucleares n'América Llatina y el Caribe ; Comunidá Andina ; Réxime de Control de la Teunoloxía de Misiles (1995); Grupu d'abastecedores nucleares ; Organización pa la Prohibición d'Armes Químiques (29 abril 1997); UNESCO (4 payares 1946); Grupu d'Observaciones de la Tierra ; Xunión Internacional de Telecomunicaciones (4 xunetu 1877); Organización Meteorolóxica Mundial (15 marzu 1950); Pacto ABC (es) ; BRICS (16 xunu 2009); BRIC (es) ; Conseyu de Seguridá de les Naciones Xuníes (1 xineru 1946); Conseyu de Seguridá de les Naciones Xuníes (1 xineru 2010); Conseyu de Seguridá de les Naciones Xuníes (1 xineru 1998); Conseyu de Seguridá de les Naciones Xuníes (1 xineru 1993); Conseyu de Seguridá de les Naciones Xuníes (1 xineru 1988); Conseyu de Seguridá de les Naciones Xuníes (1 xineru 2004); Conseyu de Seguridá de les Naciones Xuníes (1 xineru 1967); Conseyu de Seguridá de les Naciones Xuníes (1 xineru 1954); Conseyu de Seguridá de les Naciones Xuníes (1 xineru 1951); Conseyu de Seguridá de les Naciones Xuníes (1 xineru 1963); Tratáu Antárticu ; Organización Mundial d'Aduanes (19 xineru 1981); ;
Xeografía
Coordenaes	14°S 53°W / 14°S 53°O
Superficie	8515767 km²
% agua	0,65%
Costes	7.491 km
Llenda con	14.691 km
Puntu más altu	Pico da Neblina (es)
Puntu más baxu	Océanu Atlánticu
Demografía
Población	203 062 512 hab. (1r agostu 2022)
Densidá	23,85 hab/km²
Xentiliciu	brasilanu (masculín singular); brasilana (femenín singular)
Esperanza de vida	75,723 años
IDH	0,754 (2021)
Tasa de fertilidá	1,74 (2015)
Economía
Moneda	Real brasilanu
PIB nominal	1 649 622 972 159 $ (2021)
Bancu central	Bancu Central de Brasil
Más información
Dominiu d'Internet	.br
Códigu telefónicu	+55
Códigu ISO	076 / BRA / BR
Estaya horaria	UTC−02:00, UTC−02:00, UTC−03:00, UTC−03:00, UTC−03:00, UTC−04:00, UTC−04:00 y UTC−05:00
	gov.br

El Brasil^[12], oficialmente República Federativa do Brasil, ye'l país más grande d'América del Sur y el quintu más grande y pobláu del mundu, con 8,5 millones de km² d'estensión y una población de más de 208 millones d'habitantes. La so capital nacional ye Brasilia, que sustituyó a Rio de Janeiro en 1960, y la ciudá más poblada ye São Paulo. El país ta formáu por 26 estaos y un distritu federal, sodividíos en 5.570 conceyos. Ye'l país más grande que tien el portugués como llingua oficial, y ún de los más multiculturales y con mayor diversidá étnica del mundu.

Arrodiáu pol océanu Atlánticu al este, Brasil tien 7.491 km de costa, y llenda con toos menos dos de los países sudamericanos: Chile y Ecuador. Al norte llenda con Colombia, Venezuela, Guyana, Surinam y Guyana Francesa; al sur Arxentina, Uruguái y Paraguái; al este l'Océanu Atlánticu y al oeste Bolivia y Perú. La conca del ríu Amazones inclúi una xigantesca viesca tropical, bayurosa en recursos naturales y minerales, que ye l'hábitat de pueblos indíxenes que gocien de proteición llexislativa.

El Brasil actual taba habitáu por bien de naciones tribales primero de que, en 1500, aportara a elli Pedro Álvares Cabral, que reclamó les tierres nes que desembarcó pal Imperiu portugués. Siguió siendo una colonia d'esi país hasta 1808, cuando la capital del imperiu, nel contestu de les guerres napoleóniques, foi treslladada de Lisboa a Rio de Janeiro. En 1815 la colonia foi elevada al estatus de reinu cola formación del Reinu Xuníu de Portugal, Brasil y Algarve. La independencia brasilana producióse en 1822 cola creación del Imperiu de Brasil, un estáu xunitariu gobernáu por una monarquía constitucional y con un sistema parllamentariu. La ratificación de la primer constitución del país en 1824 llevó a la formación d'un parllamentu bicameral, niciu del actual Congresu Nacional. El país convirtióse nuna república presidencial en 1889, tres d'un golpe d'estáu. En 1964 xubió al poder una xunta militar, que gobernó el país hasta 1985. L'actual constitución brasilana, aprobada en 1988, define'l país como una república federal democrática.

Brasil ye una potencia económica emerxente: tien l'octavu productu interior brutu (nominal y en paridá de poder adquisitivu) del mundu, y suma a un sector agrícola perpotente un vigorosu sector industrial. Ye una potencia rexonal, considerada como una potencial superpotencia por dellos autores. Ye miembru fundador de les Naciones Xuníes, el G20, el BRICS, la Xunión de Naciones Suramericanes, Mercosur, la Organización de los Estaos Americanos, la Organización d'Estaos Iberoamericanos pa la Educación, la Ciencia y la Cultura y la Comunidá de Países de Llingua Portuguesa.

Política y gobiernu^[13]

Organización política

L'actual Constitución de Brasil foi promulgada'l 5 d'ochobre de 1988. Nella establécese que la República Federativa de Brasil, formada pola xuntura indisoluble de los estaos y los conceyos y del distritu federal, constitúise nun estáu democráticu de derechu.

El poder executivu exércelu'l presidente de la República col sofitu d'un gabinete de ministros. El presidente, xunto col so vicepresidente, tienen de ser elixíos por mayoría absoluta. El so mandatu dura cuatro años, y puede repetir namái una vegada.

El poder llexislativu exércelu el Congresu Nacional, una institución bicameral formada pola Cámara de Diputaos y el Senáu Federal. La cámara fórmenla 513 diputaos, elixíos al traviés d'un sistema proporcional nos 26 estaos y nel distritu federal pa un mandatu de cuatro años. El senáu fórmenlo 81 miembros: trés por cada estáu y trés más pol distritu federal. El so mandatu dura ocho años, magar que cada cuatro renuévase parcialmente.

No que cinca al poder xudicial, el so muérganu cimeru ye'l Supremu Tribunal Federal.

El sufraxu, nes distintes eleiciones, ye universal, secretu y obligatoriu. Los estaos, pela so banda, son autónomos, y escueyen caún el so gobernador y la so propia cámara llexislativa.

Gobiernu

El presidente del país ye, dende'l 1 de xineru de 2019, Jair Bolsonaro. Los presidentes de la Cámara de Diputaos y el Senáu son, respeutivamente, Arthur Lira y Rodrigo Pacheco.

La xestión del gobiernu del país articúlase (abril de 2012) en 25 ministerios, magar que hai tamién delles secretaríes especiales p'asuntos concretos (Rellaciones Institucionales, Derechos Humanos, Igualdá Racial, Polítiques pa Muyeres, Asuntos Estratéxicos, Aviación Civil, Comunicación Social y Puertos). Los ministerios son los que vienen darréu:

Casa Civil (Presidencia)
Rellaciones Esteriores
Facienda
Desarrollu, Industria y Comerciu Esterior
Agricultura
Desarrollu Agrario
Mines y Enerxía
Planificación
Integración Nacional
Defensa
Desarrollu Social y Llucha escontra la fame
Educación
Salú
Trabayu y Emplegu
Previsión Social
Tresportes
Comunicacione
Xusticia
Mediu Ambiente
Ciencia, Teunoloxía y Innovación
Cultura
Deportes
Turismu
Ciudaes
Pesca y Acuicultura

Partíos políticos

El mapa políticu ye percomplicáu, con bien de formaciones que lluchen, nes diferentes eleiciones, por algamar representación nes diferentes cámares estatales y federales. Los principales d'ellos, que tienen representación na actual cámara de diputaos, son:

Movimento Democrático Brasileiro (MDB). El so presidente ye Valdir Raupp.
Partido Demócratas (DEM). El so presidente ye José Agripino Maia.
Partido da Social Democracia Brasileira (PSDB). El so presidente ye Sergio Guerra.
Partido Democrático Trabalhista (PDT). El so presidente ye Carlos Lupi.
Partido Trabalhista Brasileiro (PTB). El so presidente ye Roberto Jefferson.
Partido dos Trabalhadores (PT). El so presidente ye José Eduardo Dutra.
Partido Comunista do Brasil (PC do B). El so presidente ye José Renato Rabelo.
Partido Socialista Brasileiro (PSB). El so presidente ye Eduardo Campos.
Partido Progresista (PP). El so presidente ye Francisco Dornelles.
Cidadania (Cidadania). El so presidente ye Roberto Freire.
Partido Verde (PV). El so presidente ye José Luiz de França Penna.
Partido Social Liberal (PSL). El so presidente ye Luciano Caldas Bivar.
Partido Social Democrático (PSD). El so presidente ye Gilberto Kassab.
Partido Humanista de Solidariedade (PHS). El so presidente ye Paulo Roberto Matos.
Partido Socialista dos Trabalhadores Unificado (PSTU). El so presidente ye José Maria d'Almeida.
Partido Socialismo e Liberdade (PSOL). El so presidente ye Afrânio Radeu Boppré.
Partido Trabalhista Cristão (PTC). El so presidente ye Daniel Tourinho.
Partido Social Cristão (PSC). El so presidente ye Víctor Jorge Abdala Nosseis.
Partido Social Demócrata Cristão (PSDC). El so presidente ye José María Eymael.
Partido da Causa Operaria (PCO). El so presidente ye Rui Costa Pimenta.

Los sindicatos, pela so banda, son tamién numberosos. Destaquen, a nivel nacional, los que vienen darréu:

Central Unica dos Trabalhadores (CUT), dirixida por Artur Henrique da Silva Santos.
Força Sindical (FS). El so cabezaleru ye Paulo Pereira da Silva.
Uniao Geral dos Trabalhadores (UGT), dirixida por Ricardo Patah.
Central Geral dos Trabalhadores do Brasil (CGTB). El so presidente interín ye Ubiraci Dantas d'Oliveira.
Coordenação Nacional de Lutas (Conlutas), dirixida por una coordinadora colexada.
Central dos Trabalhadores e Trabalhadoras do Brasil (CTB). El so presidente ye Wagner Gomes.
Nova Central Sindical de Trabalhadores (NCST), dirixida por José Calixto Ramos.

Organización político-alministrativa

El territoriu de Brasil ta dividíu en 26 estaos y un Distritu Federal.

Economía

La so economía tien importancia a nivel americanu y mundial, cola agricultura (ye'l mayor productor de café, naranxa y zucre a nivel mundial), la ganadería (tien la mayor cabaña bovina del mundu y ye'l mayor esportador mundial de carnes), la minería (piedres precioses, fierro, niobiu, bauxita) y la industria (automóviles, aviones, ordenadores, etc.). El PIB de Brasil ye'l mayor d'América Llatina.

Demografía

Los 211.755.692 habitantes en 2020, según l'Institutu Brasilanu de Xeografía y Estadística (IBGE), distribuyíos per 27 unidaes federatives. Les principales ciudaes (36 con más de 500.000 habitantes) son:

Ciudá	Estáu	Población
São Paulo	São Paulo	11.016.703
Rio de Janeiro	Rio de Janeiro	6.136.652
Salvador	Bahia	2.711.372
Fortaleza	Ceará	2.416.920
Belo Horizonte	Minas Gerais	2.399.920
Brasilia	Distrito Federal	2.383.784
Manaus	Amazones	1.927.346
Curitiba	Paraná	1.788.559
Recife	Pernambuco	1.515.052
Porto Alegre	Rio Grande do Sul	1.440.939
Belém	Pará	1.428.368
Guarulhos	São Paulo	1.283.253
Goiânia	Goiás	1.220.412
Campinas	São Paulo	1.059.420
São Luís	Maranhão	998.385
São Gonçalo	Rio de Janeiro	973.372
Maceió	Alagoas	922.458
Duque de Caxias	Rio de Janeiro	855.010
Nova Iguaçu	Rio de Janeiro	844.583
São Bernardo do Campo	São Paulo	803.906
Teresina	Piauí	801.971
Natal	Rio Grande do Norte	789.896
Campo Grande	Mato Grosso do Sul	765.247
Osasco	São Paulo	714.950
Santo André	São Paulo	673.234
João Pessoa	Paraíba	672.081
Jaboatão dos Guararapes	Pernambuco	651.355
Uberlândia	Minas Gerais	618.968
Contagem	Minas Gerais	613.289
São José dos Campos	São Paulo	610.965
Sorocaba	São Paulo	578.068
Ribeirão Preto	São Paulo	559.650
Cuiabá	Mato Grosso	542.861
Feira de Santana	Bahia	535.284
Juiz de Fora	Minas Gerais	509.125
Aracaju	Sergipe	505.286
Les ciudaes con más de 500 mil habitantes según l'IBGE en xunetu de 2006.

En Brasil alcuéntrense grandes árees metropolitanes, 12 con más de 2.000.000 d'habitantes:

Área Metropolitana	Estáu	Población
São Paulo	São Paulo	20.500.000
Rio de Janeiro	Rio de Janeiro	11.351.937
Belo Horizonte	Minas Gerais	4.975.126
Porto Alegre	Rio Grande do Sul	4.184.042
Recife	Pernambuco	3.589.181
Brasilia	Distrito Federal, Goiás y Minas Gerais	3.500.000
Fortaleza	Ceará	3.415.455
Salvador	Bahia	3.350.523
Curitiba	Paraná	3.251.168
Campinas	São Paulo	2.634.000
Belém	Pará	2.086.906
Goiânia	Goiás	2.013.073
Santos	São Paulo	1.476.820
Vitória	Espírito Santo	1.437.711
São Luís	Maranhão	1.300.000
Natal	Rio Grande do Norte	1.240.734
Teresina	Piauí y Maranhão	1.200.000
Maceió	Alagoas	1.116.075
Joinville	Santa Catarina	1.024.212
João Pessoa	Paraíba	998.890
Les Árees Metropolitanes de Brasil con más de 1.000.000 d'habitantes según l'IBGE en xunetu de 2006.

Relixón

La relixón predominante ye la católica, anque hai llibertá de cultu.

Caltiénense tamién creyencies y costumes de los indíxenes, especialmente nel ríu Amazones.

Provenientes de la esclavitú negra, practíquense creyencies africanes como l'animismu, y otres como la macumba o candomblé y la umbanda.

Tamién suel dase'l casu d'amestar relixones, ritos y creyencies d'orixe africanu col cristianismu.

Porcentaxe d'adeptos:

Catolicismu: 73,6%.
Protestantismu y ilesies evanxéliques: 15,4%.
Espiritismu: 1,3%.
Unitarios Universalistes: 0,1%.
Relixones afro-brasilanes: 0,3%.
Otres: 1,8%.
Ensin relixón: 7,4%.

Referencies

↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
↑ URL de la referencia: http://mtcr.info/partners/. Data de consulta: 4 avientu 2017.
↑ URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.
↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
↑ URL de la referencia: http://www.unesco.org/eri/cp/ListeMS_Indicators.asp.
↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
↑ URL de la referencia: https://public.wmo.int/en/members/brazil. Data de consulta: 26 mayu 2020.
↑ URL de la referencia: https://www.ats.aq/devAS/Parties?lang=e.
↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.
↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Agencia Efe. Disponible en http://www.anuarioiberoamericano.es/ Archiváu 2012-04-13 en Wayback Machine

Enllaces esternos

Sitiu web oficial (en portugués brasilanu)

Brasil n'OpenStreetMap.

Países d'América

[5d0bc4103af0b81a88f15973dc528ce7c0c9f876-1] URL de la referencia: https://www.who.int/choice/demography/by_country/en/. Data de consulta: 21 xunetu 2020.

[dee05142a2950774e210ccb1406c69cae3986cbf-2] URL de la referencia: http://www.upu.int/en/the-upu/member-countries.html. Data de consulta: 4 mayu 2019.

[46ba7d1117c23e8275a37395fe60659c108f478b-3] URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.

[c252b1e27419b44249a67fe9375c69f88061620d-4] URL de la referencia: http://mtcr.info/partners/. Data de consulta: 4 avientu 2017.

[8579369d2d3dc7a62411073dc1141e53e754c3b4-5] URL de la referencia: http://www.nuclearsuppliersgroup.org/en/participants1. Editorial: Grupu d'abastecedores nucleares. Data de consulta: 7 avientu 2017.

[df7cc65ec8bb3586eb4b81929074565218319925-6] URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.

[f5c12680fb5264add4b1989cb365be3c1db8d84f-7] URL de la referencia: http://www.unesco.org/eri/cp/ListeMS_Indicators.asp.

[6b35d061861a13b53082ba67daec3063fb3ba141-8] URL de la referencia: https://www.itu.int/online/mm/scripts/gensel8. Data de consulta: 4 mayu 2019.

[8591f477a1c3b145bb7ae2739efe65d40d3f6073-9] URL de la referencia: https://public.wmo.int/en/members/brazil. Data de consulta: 26 mayu 2020.

[38702dcb6704d6fbd376844a09601c6aa13763ce-10] URL de la referencia: https://www.ats.aq/devAS/Parties?lang=e.

[e8a5de66dc84da08f97702b7740d7b653c5bbad6-11] URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.

[Cartafueyu_países-12] (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[13] Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Agencia Efe. Disponible en http://www.anuarioiberoamericano.es/ Archiváu 2012-04-13 en Wayback Machine

[12]

[1]

[2]

[3]

[4]

[5]

[6]

[7]

[8]

[9]

[10]

[11]

[13]