Esti usuariu ye'l 10u de la Wikipedia n'asturianu con más númberu d'ediciones.

DATOS editar

  • Nome: Zato-ino
  • Fecha de nacimientu: 5 d'avientu de 1960
  • Llugar de nacimientu: Xove (Xixón)
  • Una postura: Depués de casi trenta años vinculáu a esto de la normalización de la llingua, soi de los posibilistes. Sí pienso qu'ensin oficialidá tovía podemos facer munches más coses de les que facemos.
  • A lo llargo d'esti añu que llevo collaborando con esti proyectu (rexistreme'l 30 de marzu, pero yá con anterioridá ficiera delles collaboraciones) contribuí con 136 artículos nuevos (el primeru foi La Internacional) unos traducíos del español, francés o inglés y otros d'ellaboración propia, arriendes d'una buena montonera d'ampliaciones significatives d'otres entraes yá en funcionamientu. En toos estos meses fui pasando por dellos momentos d'estáu d'animu estremáu, debío fundamentalmente a la mio falta de sintonía con delles concepciones de la llingua que se mostraben na wiki y del propiu conteníu de la enciclopedia. Fui superando esos desencuentros. Pero díes atrás sosprendióme ver cómo se me correxía la palabra darwinismu por darvinismu nunu de los primeros artículos que creara: Tarzán. Nunca se me pasara pola imaxinación que l'adaptación de tal nome al asturianu se ficiera prescindiendo de la grafía característica del apellíu del señor Charles Darwin, la w. Comprobé que les llingües del nuestru entornu (francés, portugués, inglés, alemán, italianu, danés, …)conservaben la w . Sólo me faltaba consultar el Diccionariu de l'Academia de la Llingua Asturiana y comprobé que la corrección fecha taba sofitada pola normativa académica. Foi un duru golpe pa los criterios que yo cuido que deben empobinar la normalización de la nuestra llingua. Tamién hai unos díes vi cómo un usuariu non identificáu correxía la entrada referida al Asturianu utilizando un rexistru llingüísticu más averáu a los monologuistas de la década de los setenta (los que ridiculizaben al campesín asturianu inventando-y hasta'l modu de falar) qu'a la llingua culta que debe tar presente nuna obra como la wikipedia (la paciencia d'Esbardu en revertir los hiperasturianismos ye envidiable). Esto yá foi una especie de sobredosis. Dicho lo anterior, tomaré un periodu de reflexión nel que fairé balance de los mios treinta años de compromisu cola llingua y del sentíu de siguir collaborando col proyectu wiki. Déxovos cola música de Randy Crawford, l'últimu de los artículos creaos por mi. Abiertu queda'l paréntesis (…

Guei, 13 de payares de 2007, volví a crear un artículu nesta wiki como homenaxe al cantante de tonada Agustín Argüelles.

Tampoco quise dexar d'honrar la memoria de los obreros del salitre que morrieron asesinaos na Matanza de Santa María d'Iquique, de la que'l próximu día 21 d'avientu se cumplen cien años.

Dellos artículos más:


Información babel d'usuariu
ast-N Esti usuariu ye un falante nativu d'asturianu.
es-N Esta persona tiene una comprensión nativa del español.
fr-2 Cet utilisateur dispose de connaissances intermédiaires en français.
Usuarios por llingua